#Qophii_ijoollee #Ukee/#Taaboree ijoollee baga ayyaana Ukee/Taaboree nagaan keessan naga keessanii>>> 🌳⚫🔴⚪🌳 #Ukeen ayyaana ijoolleen waggaa 16 gadii kabajjudha. Ukee jechuun dhangaa nyaataaf qophaa'u kan bifa gadiin tolfamudha. Ayyaanichis kanumarraa ka'eet moggaafame. #Taaboree=Ta booree jechuun immoo waan booree jechuudha. Maquma ayyaana kanaati. Irra jireessa Maccaatti Taaboree jedhamee beekama. Ayyaana kana ijoolleen waggaa 16 gadi jiran dhiirris ta'ee dubarri ni kabajji. Garuu irra jireessa dhiiratu kabaja. Bakka tokko tokkotti immoo dhiira qofatu kabaja. Gaafa waggaa xumuru dhiirri tokko Gadaa biraa Foolloma waan seenuf, sirna sirneeffata. Xumura Gadaa lammeessoofi seensa Gadaa sadeessoo isaa ayyaana kanaan agarsiisa. Ijoolleen bakka loon tiksitutti ykn bakka biraatti godoo ukee gamtaadhan ijaarratu. Warri waggaa 16ffaa xumuruutti jiran godoo kana uranii bahuuf qophaa'u. Kanneen umuriin waggaa 16 hin guutin immoo yeroo inni godoo kana cabsee bahu reebuf qanceefi ulee qopheeffatanii eegu. Gurbaan godoo cabsuuf jirus waan ofirraa qolachuuf isa dandeessisu qopheeffatee godoo sana uree keessa baha. Yommuu godoo uru kana falmiifi wal'aansoo cimaatu taasifama. Hanga reebamus reebamee, gariin qolatee keessa baha. Kanatu Ta booree/waan booree jedhama. qabatanii bahan kana ollaan illee ijoolleef ni gumaacha. Ijoolleen kan walooti waan taatef. Ukee kana qeenxee qabatanii hin bahan, guutuu ta'uu qaba. Kanneen godoo uranii kabaja ukee xumuraniif, sirni ni sirneeffama. Aannan illee okoleen qabatee bahee dhibaafata. Dhangaafi mijuun biroos ni qophaa'u. Kunis hulluuqqoo Gadaa tokkorraa kan birootti agarsiisuuf sirneeffata. Ayyaanicha garuu umurii 16 gadi kan jiran hunduu ni kabaju. kun isa jarri 'buhee' jedhan sana miti. Garuu bakka tokko tokkotti guyyichi walirra oola. Kun dhiibbaa sirnichi fidedha. Addatti akkan bakkan an itti dhalatteetti Adoleessa gaafa guyyaa Shan kan kanajamu! Bakka tokko tokkotti garuu "buhee" jarri jettunis bakki itti wal irra oolu Jira Yaada itti kennaa!🌳⚫🔴⚪🌳 Kan barreesse Itreechaa fi Sirna Gadaa🙏❤️❤️Ani immoo akka bakka an itti dhalatteetti yaada itti dabaleera - @boonaamagarasaa