@jampana08cibodas: Karnaval lebakmuncang. “Ngamumule sunda, ngaraksa bangsa” geus lilana urang ngarasakeun kamerdikaan, ka-80 warsih Indonesia nangtung gagah. Tapi… naha masih kénéh urang émut kana jangji karuhun? Kana getih nu ngocor, kana cimata nu ngalir, dina raraga ngadegkeun nagri? Sunda téh henteu saukur sora kacapi, henteu saukur sora calung. Sunda téh hiji napas, hiji nyawa, hiji rasa nu nyambung ti karuhun ka incu-putu. Lamun henteu diraksa, éta napas bakal pareum, éta rasa bakal luntur, éta nyawa bakal musna. ayeuna, loba nu poho, loba nu ukur nganggap adat téh ukur tontonan. Padahal, di jerona aya piwuruk, aya tuntunan, aya cahaya karuhun nu kudu urang rawat. Lamun ayeuna urang teu miara, saha deui nu bakal ngajaga? “Ngamumule Sunda” hartina ngeraksa basa, ngaraksa tatakrama, miara kasenian, ngagem ajén-inajén karuhun. Ku éta, urang tiasa ngaraksa bangsa, ngaraksa kamerdikaan, ngaraksa rahayat sangkan sejahtera jeung maju. Dulur sadaya, tong ngantep budaya urang sirna. Tong ngantep kaulinan barudak ngan ukur jadi dongéng. Tong ngantep Sunda ukur jadi carita dina buku sajarah. Hayu, urang hudangkeun deui, urang miara, urang ajaga. Sangkan anak incu urang masih kénéh tiasa ngucap, “Kami teh urang Sunda, kami teh bangsa Indonesia.” 🇮🇩 Ngamumule Sunda, Ngaraksa Bangsa. Bersatu Berdaulat, Rakyat Sejahtera, Indonesia Maju. #karnaval #festival #arakarakan #lebakmuncang #sundanese #agustus #80 #dulurjampana

jampana08cibodas

Open In TikTok:

Region: ID

Tuesday 19 August 2025 09:33:06 GMT