@zelealem.official: ☑️አንድ በጣም ተናዳጅ ወጣት ነበር አንድ ጊዜ ይህን ባህሪውን ያስተዋለ አባት አንድ ትምህርት ሊሰጠው ፈለገ።ከዚያም ጠርቶ በርካታ ሚስማር አሸከመውና በቀኑ ውስጥ በተናደድክ ቁጥር ሂድና አጥራችን ላይ ያለው እንጨት ላይ ምታው አለው። ☑️ሚስማሩን ተቀበለና የመጀመሪያ ቀን 37 ሚስማር አጥራቸው ላይ መታ። አባት የሚሰጡትን ትምህርት ሳይታክቱ እየተከታተሉት ነበርና አጥራቸው ላይ የሚመታው ሚስማር በከፍተኛ ሁኔታ ቀነሰ። ☑️ከዚያም ልጁ ብዙም ሳይቆይ ንዴቱን መቆጣጠር ጀመረ።እንደውም አንድም ሚስማር ሳይመታ መዋል ጀመረ። ይህን ባህሪ ለውጥ ለአባቱ እስኪነግር ድረስ በጣም ቸኩሏል አባትም በጣም ተደስቶ “በል አሁን የመታሃውን እያንዳንዱን ሚስማር ንቀለው”አለው። ☑️ከዛም ከሳምንታት በኋላ ነቅሎ ጨረሰና ለአባቱ ነገረው።አባቱ የልጁን እጅ በፍቅር ይዞ ወደ አጥሩ አመሩ።"ጥሩ ስራ ሰርተሀል ልጄ ነገር ግን እነዚህን ቀዳዳዎች ተመለከትካቸው? አንተም በንዴት ውስጥ ሆነክ አንድን ቃል ስትወረውር እንዲህ የማይመለስ ጠባሳ በህሊናህ ውስጥ ጥሎብህ ያልፋል።ምንም ይቅርታ ብትደጋግም ጠባሳውን ከውስጥህ አታጠፋውም" አሉት። ☑️ስለዚህ ልጅ የምትናገረውን ቃላት ከመናገርህ በፊት አመዛዝነክ ተመልከት።ሰውን የሚጎዳ ከሆነ አትጠቀመው የሚጠቅም ከሆነ ግን ተናገረው አሉት።ሁሌም ከመናገር በፊት ማሰብ ከህሌና ፀፀት ያድናል። እግዚአብሔር ማስተዋልን ጥበብን እውቀትን ከፍቅር ጋር ይስጠን አሜን🙏እግዚአብሔር ብርሃኔና-መድሃኒቴ ነው።