@rfi_km: លោកដូណាល់ត្រាំប្រាប់ថ្នាក់ដឹកនាំអឺរ៉ុប លោកពូទីនប្រាប់លោកតាមទូរស័ព្ទថា យល់ព្រមទទួលជួបទ្វេភាគីជាមួយមេដឹកនាំអ៊ុយក្រែននៅ២សប្តាហ៍ទៀត។ ផ្ទុយពីជម្លោះទាស់សំដីខ្លាំងកាលពី៥ខែមុន ប្រធានាធិបតីអាមេរិកលោកដូណាល់ ត្រាំបានទទួលប្រធានាធិបតីអ៊ុយក្រែន លោកហ្សេឡេនស្គីយ៉ាងរាក់ទាក់នៅសេតវិមាន កាលពីថ្ងៃចន្ទទី ១៨សីហាម្សិលមិញ។ នៅក្នុងកិច្ចប្រជុំស្តីពីសំណុំរឿងអ៊ុយក្រែន មានការចូលរួមផងដែរ ពីប្រធានាធិបតីបារាំង នាយករដ្ឋមន្រ្តីរបស់ប្រទេសអង់គ្លេស អ៊ីតាលី អាល្លឺម៉ង់ ហ្វាំងឡង់ និងប្រធានគណៈកម្មការអឺរ៉ុប។ ថ្នាក់ដឹកនាំអឺរ៉ុបបានលើកគ្នាជាលើកទី១ ទៅសេតវិមាន ដើម្បីជួយបញ្ចុះបញ្ចូលឲ្យប្រធានាធិបតីអាមេរិក គិតគូរពីផលប្រយោជន៍សន្តិសុខរបស់អ៊ុយក្រែន និងអឺរ៉ុប នៅក្នុងដំណើរការចរចាជាមួយប្រធានាធិបតីរុស្ស៊ី លោកពូទីន ដើម្បីបិទបញ្ចប់សង្រ្គាមអ៊ុយក្រែន។#សង្រ្គាមអ៊ុយក្រែន #ជំនួបពូទីនត្រាំ #ទឹកដីអ៊ុយក្រែន