@stan.kz: Киіктерді құтқарамын деп қаза тапқан Қорықшы Ерлан Нұрғалиевтің оқиғасы көптің көңілін босатты 2019 жылдың қаңтарында Қарағандыда 17 киікті жайратып салған браконьерлерлің соңына қорықшылар түскен. Екі нөмерсіз жол талғамайтын көлік соңына екі бригада түседі. Десе де, күдікті көліктер екі жаққа кетіп, қорықшыларға да бөлінуге тура келген. Солардың бірі Ерлан Нұрғалиев пен әріптесі Петр Ницык. Олар қашып кетпек болған көліктің жанармай багын атып, қаскөйлерді тоқтатуға тырысқан. Сол сәтте көліктен үш адам қарумен шығып, инспекторларға тап берген. Басында Ерлан қаскөйлердің бірінің қаруын тартып алмақ болып, бетпе-бет айқасқа түседі. Қар үстінде жанталасып жатқанда браконьер Ерланның бетінен ұрып, мылтығын тартып алады. Бірақ Ерлан берілмей, қаскөйді құлатып, кеудесінен ұрып, қарсыласқан. Дәл осы кезде көліктен түскен басқа екеуі Петрді ұрып-соғып, есінен тандырады. Есінен танған Петрді браконьерлер өлді деп ойлап, бар күшін кейін Ерланға салған. Олар оны мылтықтың дүмімен бірнеше рет ұрып, қар үстінде аяусыз сабаған. Ерлан қанша қарсылассада сан жағынан көп қаскөйлер инспекторды әбден жарақаттап, көліктің кілтін алып қашып кеткен. Кейін әріптесі Петр есін жиып, Ерланның қанға бөгіп жатқан көрген. Көмекке екінші бригаданы шақыруға ұмтылған браконьерлердің gps құрылғыны алып кеткенін көрген. Дегенмен екінші топ ауыр жарақат алған екі әрептестерін тапқан. Алайда Ерлан Нұрғалиев алған ауыр жарақаттан комаға түсіп, 15 қаңтар күні ауруханада жан тапсырды. Оларға 3 дәрежелі Барыс ордені табысталды.

STAN KZ

Open In TikTok:

Region: KZ

Tuesday 19 August 2025 13:08:50 GMT