@bilgen.durys: ⚡️ Абай облысында қайғылы жол апаты болды. 19 тамыз күні Үржар ауданының Бестерек ауылында автокөлік үйінің жанында ойнап жүрген балаларды қағып кетті. Оқиға салдарынан үш бала қаза тауып, тағы үшеуі әртүрлі жарақат алды. Алдын ала мәліметке сәйкес, «Toyota» маркалы автокөлікті жүргізген 55 жастағы азамат рөлге ие бола алмай, үй қақпасының алдында, жолдан он метр қашықтықта тұрған балаларды басып кеткен. Екі бала оқиға орнында көз жұмды, тағы бірі ауруханаға барар жолда қайтыс болды. Жараланған үш бала медициналық мекемеге жеткізілді. Көлік жүргізушісі ұсталып, уақытша ұстау изоляторына қамалды. Сараптама нәтижесі оның апат кезінде мас болмағанын көрсетті. Қазіргі уақытта тергеу амалдары жүргізілуде. Абай облысындағы жантүршігерлік жол апатынан зардап шеккен балаларға қазір барлық қажетті медициналық көмек көрсетілуде. Үржар ауданында жарақат алған үш бала стационарда жатыр. Дәрігерлердің айтуынша, бірінің жағдайы аса ауыр, екеуінің жағдайы – тұрақты ауыр. Мультидисциплинарлық топ – республикалық және облыстық деңгейдегі мамандар толық диагностикалық тексеру жүргізіп, емдеу жоспарын жасады. Балалардың ми-сауыт жарақаты, тірек-қимыл жүйесі мен ішкі ағзаларынан жарақат анықталған. Қазіргі уақытта бір науқасқа миына күрделі нейрохирургиялық ота жасалуда. Сондай-ақ ішкі ағзалардағы қан кету тоқтатылған. Балалардың жағдайы тұрақтанған соң, оларды Астанаға санитарлық авиация арқылы жеткізу мәселесі қарастырылмақ. Еске сала кетейік, Мемлекет басшысының тапсырмасымен Қорғаныс министрлігінің С-295 әскери-транспорттық ұшағымен арнайы медициналық бригада ұшып барған болатын. Оның құрамында нейрохирург, травматолог және реаниматолог бар. #абай #бестерек #жаңалықтар #рекомендации #врек

BILGEN DURYS

Open In TikTok:

Region: KZ

Wednesday 20 August 2025 06:19:58 GMT