Шымкент қаласы әкімінің орынбасары Руслан Берденовке оқ атқан Ернар Жиенбайдың әкесі Жиенбай Пірәлиев апелляциялық шағым түсіру-түсірмеу жағын ақылдаса шешетіндерін айтты, деп хабарлайды Qaz365.kz. “Біз сұраған бап бойынша жазасын бермеді. Берденов әкімнің орынбасары болмай тұрып бес күн бұрын сұхбат берген. Сонда “аудандағы әкімдер дұрыс шешім шығара алмайды” деген еді. “Неге?” деп сұрағанда “мен шешімді тез шығарамын” деді. Көрсеңіздер болады. Одан бөлек, “әкімдердің айлығы 1,5 млн теңге, ол не айлық?” дегені де бар. Оны не үшін мен айтып отырмын.Ол кісі келе сала “дұрыс шешім қабылдадым” деп отыр. Дұрыс шешім қабылдамады ол кісі. Ол кісі шекарасынан өтіп кетті. Менің келінім өсіп, өнген жердің қызы. Соған лайк басты, басқа да әрекеттері бар. Балам отбасын сақтап қалу үшін оның бәрін ішінде жұтып кетті. “Жала жапты” деп ойламаңыздар. Ол болған оқиға. Саяси лауазым иесі, “сен” деп сөйлейді. Оның өзі қателік. “Мен келдім, сен неге келмейсің? Шашың түсіп қалған, үстіңде не киім?” деп сөйлейді. Қарапайым халықты төмен санап, ақшасы мен өкілеттілігіне қатты қатты көңіл бөліп кеткен, бәрі өзінің тәкаппарлығынан деп ойлаймын, – дейді сотталушының әкесі. Жиенбай Пірәлиев бұған дейін ешкімге сұхбат бермеген. Сот барысында ұлынан “келін жайлы ештеңе айтпай-ақ қойшы, 25 жыл алып кетсең де, айтпа” деп тапсырғанын айтады. “Сот барысында дәлелденген фактілер ақпарат құралдарында айтылмады. Саяси қызметкер құрылыс басқармасының басшысын шақырып алып, “сен, Ернарға айт, тез арада кетпесе, істі болады, қаматам” деуінің өзі ақпарат құралдары үшін сенсация ғой. Бірақ оның бәрі төмен деңгейде ғана айтылып жатыр”, – дейді ол. Сот процесі кезінде Руслан Берденов Ернар Жиенбай басқарған “Тұрғынүй Шымкент” компаниясы жұмысты дұрыс атқармағанын, есеп бермегенін айтқан еді. Жиенбай Пірәліиев бұл жөнінде былай түсініктеме берді. #русланберденов #qaz365kz #ернаржиембай #сот #хочуврек - @qaz365kz