@bilgen.durys: ⚡️Түркістан облыстық мәслихатының депутаты бірден бірнеше жол қозғалысы ережесін өрескел бұзды. Әлеуметтік желілерде 777 нөмірлі Lexus көлігінің жүргізушісі түсірілген видео тарады. Онда ол қарсы жолаққа шығып, көлікті тоқтатып жолаушы түсіргені көрінеді. Қозғалыс кезінде жүргізуші де, жолаушы да қауіпсіздік белдігін тақпаған. Шымкент қалалық полиция департаменті көлік жүргізушісінің ұсталғанын хабарлады. «Жүргізуші ҚР ӘҚБтК-нің бірнеше бабы бойынша әкімшілік жауапкершілікке тартылды: жалған тіркеу нөмірімен көлік жүргізу, қарсы жолаққа шығу, сақтандыру құжатының болмауы, қауіпсіздік белдігін тақпау, тыйым салынған жерде артқа жүру, сондай-ақ қозғалысты бастар алдында белгі бермеу». Жүргізушінің Lexus көлігі айыптұраққа қойылды. «Үш жетілік» нөмірі жалған болып шыққан және ол тәркіленді. Полиция әзірге жүргізушімен профилактикалық әңгіме жүргізілгенін ғана хабарлады. Әлеуметтік желі қолданушылары видеодағы адамды танып, оның Түркістан облыстық мәслихатының депутаты, «Аманат» партиясының мүшесі және «Қарабатыр» ЖШС директоры Ерғали Аманбаев екенін анықтады. #шымкент #депутат #маслихат #партия #amanat

955

2025-08-28 06:16:33

To see more videos from user @bilgen.durys, please go to the Tikwm homepage.