@mdbechir3: مذكورْ الشَّرْگْ أنُّو خْرِيفْ عاگَبْ جَدْبُ مَفِيهْ رِيفْ إِرِيفي يَحْثِي وانْسِيفْ منْ سِنِينْ أَتْرَماتُو منْ طُولْ الشَدَّ وَانْزِيفْ سَدْرُ ماتْ ءُ تَماتُو وَمُورْ أَمَّلِي ماتْ كيفْ سَدْرُ والطَّلْحْ أَمَّاتُو ماتُو ءُ لانعرفْ كانْ وادْ بوگَرْفَ تَيْدُماتُو ماتو ولَّ يَكانْ زادْ تَيْدُماتو مَ ماتُو _______ مصاب عت اليوم كاد مانجحد ذ الِّ باكِ فخلاك واللَّ عت زاد ماباك ش فخلاك واللَّ مصاب اليوم عاد يوم امن الدهر ألِّي ابعاد ماه ذ الدهر ألِّي اعناد جيل ماه متلاك وان شيبان غير راد فات اعلي خلاك عزت مسايل ما اتكاد جاحده واله شاك __________ نعرف بعد أنِّ ماانسيت ذَ من لحباب الگط ريت هون ،أراعينِ هون جيت أسكِ تصريف النَّاشِ ما ريت احبيب ءُ لا اتليت طامع مرياهْ ءُ لاشِ لحباب امشاو ءُ ذاك لعد ءُ هذَ شِ عاد ألّاشِ ماشِ ..يلّالِ ذاك بعد ادليل اعلنِّ ماشِ!