@anhoruz: Toshkentda issiq suv va isitish narxlari oshirilmoqda Toshkent shahrida issiqlik ta’minoti xizmatlari uchun yangi tariflar tasdiqlandi. Qarorga ko‘ra, markaziy isitish va issiq suv yetkazib berish narxlari qayta ko‘rib chiqilib, 2025-yil 14-maydagi Vazirlar Mahkamasi munosabati hamda shahar hokimligining 30-iyundagi xatiga asosan qabul qilingan. Unga ko‘ra, tariflar aholi uchun 15 foizga, yuridik shaxslar uchun 40 foizga, budjet tashkilotlari uchun esa 18,8 foizga oshirilmoqda. Endilikda: • bazaviy tarif QQSsiz 711 641 so‘m/Gkal; • aholi uchun QQSsiz 139 860 so‘m/Gkal; • byudjet tashkilotlariga 952 797 so‘m/Gkal; • boshqa ulgurji xizmat ko‘rsatuvchi tashkilotlarga QQSsiz 342 296 so‘m/Gkal miqdorida belgilandi. Tariflar O‘zbekiston Respublikasining “Iste’molchilarning huquqlarini himoya qilish to‘g‘risida”gi Qonuni va Vazirlar Mahkamasining “Yoqilg‘i-energetika sohasida bozor mexanizmlarini joriy etishning qo‘shimcha chora-tadbirlari to‘g‘risida” 2023-yil 15-sentabrdagi qarori talablari asosida tasdiqlangan. Qaror ijrosini nazorat qilish Toshkent shahar Kengashining Qurilish, kommunal, suv xo‘jaligi, ekologiya, sanoat va transport masalalari bo‘yicha doimiy komissiyasi raisi hamda Toshkent shahar hokimining birinchi o‘rinbosari zimmasiga yuklatilgan. #news #xabar #anhoruz #rek #issiqsuv

Anhor.uz | Rasmiy kanal

Open In TikTok:

Region: FR

Monday 25 August 2025 06:32:10 GMT