@almaty.tv: Бүгін Алматы әкімі Дархан Сатыбалды жаңа футбол стадионының құрылысы жобасымен танысты. Мемлекет басшысының тапсырмасына сәйкес 35 мың көрерменге арналған халықаралық деңгейдегі аренаны салу жұмыстары басталады. Жаңа нысан Құлжа мен Талғар тас жолдарының арасында бой көтермек. Аумағы шамамен 15 гектар жерге көлік-логистикалық хаб та салынады. Стадион УЕФА-ның 4-санат талаптарына толық сәйкес болады. Жобада жаттығу базалары, жанкүйерлерге арналған заманауи аймақтар, қауіпсіздік жүйесі және айналаны абаттандыру қарастырылған. Әкімнің айтуынша, Алматы өсіп келеді. Қала тұрғындарының спортқа, салауатты өмір салтына деген қызығушылығы күн санап артып отыр. Жаңа стадион спорт пен қаланың инфрақұрылымын дамытудағы маңызды қадам болмақ. Сонымен бірге, орталық стадион сақталып, жаңғыртылады. Ол Алматының спорт тарихының ажырамас бөлігі болып қала береді.

516

There are no more comments for this video.

To see more videos from user @almaty.tv, please go to the Tikwm homepage.