لگيت علاوي بالصاله يروح ويرجع علاوي:روح خابرتني امچ درت بيچ هنا صفنت بوجهه احس كل جسمي جمد روحي انسحبت مني من الخوف علاوي:راح اوصلچ لبيت سيف طلعت وياه طفرت السياج لبيتنه ورحت امشي للبيت… ---- روح:طلعت نورس وانا گلبي گارصني اشتغل منا ومنا وبالي يمها لزگت بعمتي ام نورس بالمطبخ شنو تريد اسويلها گعدوا يتغدون وهي طولت گاعدين ع الغدا وهي بصفي ام نورس:وين اختچ انخطف لوني من گالت هيچ _هاا…گالت ما تشتهي بالغرفه گاعده باوعتلي بإستغراب تغدوا وكملوا وهي بعدها ما اجت ولا اگدر ابعد عن عمتي ام نورس خاف تسأل عليها ولا اگدر اروح لرقيه تتصل بسجاد وهي ما اجتي يمي ملتهيه بصوفي ام نورس:روحي صيحي لنورس غسلن المواعين التفتت لكوثر ام نورس:وانتِ بنيتي سوي چاي سوت چاي وانا غسلت المواعين احس ظهري انكسر التفتت من دخل للمطبخ يتسحب التفت باوع لكوثر ورجع باوعلي ابتسم وگف يمي الاكبر:ها حبيبي بعدچ تغسلين _كملت يروحي ما ظل شي باوعلي بإستغراب لأن گتله يروحي ضحك الاكبر:روحي انا اكملهن ابتسمت _لا يبعد عيوني روح انتَ انا اغسلهن الاكبر:نورس وين؟ _نايمه تعبانه شويه وباچر وراها ركضه ما اريدها تتعب ابتسم الاكبر:يوم الالنا _آمين ظليت اغسل بيهن وهو واگف يمي عين ع الباب خاف واحد يدخل وعين عليه _روح يم الولد هسه اكمل واجي الاكبر:خيولون قابل سوالفهم احلى من عيونچ _طبعاً لا ظل يضحك ويحلف بيه اذا جوعانه لأن ما اكل السمچ اكلت بس تمن وگمت _وغلاتك حبيبي ما جوعانه عيوني راحت ع كوثر من طلعت الاكبر:الله اشو گولي حبيبي مره ثانيه ضحكت _دروح عني روح الاكبر:ااااا؟ _حبيبي وروحي وعمري انتَ مدنگه اغسل واحچي الاكبر:يبووووي وعلي اموت عليچ كملت ودرت وجهي اله _خلصت اروح ابدل ملابسي روح انتَ للصاله ابتسم راح يريد يطلع _اكبر التفتي :رويحته _صبت الچاي اذا شربت منه اطلع سم عليك ظل يضحك الاكبر:السم من ايدچ عسل ابتسمت عافني وطلع تذكرت نورس نشفت ايديه وطلعت بسرعه صارت بوجهي رجعت ليوره عيونها تريد تطلع من مكانها ضغطت ع زندي ودفعتني للمطبخ وسدت الباب ام نورس:وين نورس! _مادري نايمه تقربت مني طگتني راجدي رفعت راسي الها اباوعلها الدنيا طلعت من عيني _شلووون تمدين ايدچ عـ... طگتني مره الثانيه ام نورس:اشششش حسچ ما اريد اسمعه،وين نورس؟ _گتلچ ما ادري :ما تدرين موووو! _اي ما ادري عافتني وراحت للطباخ ظليت اباوعلها مادري شتريد تسوي اخذت القاعده الحديد الي نخليها جوه القوري وهي حاره اخذتها تقربت مني رجعت ليوره من الصدمه حتى ايديه تجمدت خلتها ع ايدي ام نورس:وهسه ما تدرين صرخت احس روحي انسحبت مني _ااااخ يمممه لزمت ايدي وگعدت حتى حيلي خلص ركضوا دخل عمي گعد مقابيلي ابو نورس:شبيچ _ايدي عمو ايدي راح اموت والله رفعها الاكبر حرگ كلش چبير الاكبر:شلون احترگتي ام نورس:عود گتلها انطيني الچاي احتركت بالقوري تقربت مني ام نورس:غير تنتبهين يا عمه ما بيه حتى احچي گلبي خلص من الالم الاكبر:گومي نروح للمستشفى رائد:اجيب السياره واجي راح رائد يركض وهو گومني وعمو ابو نورس يوصي عليه لبست العبايه والشال همست لرقيه وهي تسد العبايه _اتصلي ع سجاد اتصلت ما رد _بسرعه شوفي علاوي اتصلت ع علاوي وگالت رقيه:روحي انا احاجي _لا لازم اتطمن رد وجاوبته _علاوي خلي نورس ترجع امها درت قبل ما يرد عفتها وطلعت… ---- نورس: فتحت باب الصاله ودخلت للغرفه لگيتهن گاعدات بالصاله ويسولفن ما انتبهلي بحكم البيت هوسه شفت رقيه _وين روح فتحت الباب ودخلت قبل ما ارد طگتني ع وجهي شبعتني كتل اريد بس احچي ما اگدر تطگني وتبچي امي:وحق الله اگول لأبوچ بس صبريلي _وخري عني عوفيني دفعته وتبعدت _شتوقعتي؟اعوفه لأن غصبتيني! امي:صورچ بعدهن عندي _راويهن ما يهمني امي:ما يهمچ،خلي اشوف شلون ما يهمچ عافتني رادت تطلع لزمتها _خلص يمه انا اسفه والله ما اعيدها بس لا تكولين شي لا تراويهن لأبوي امي:جري عدل خوش؟ هزيت راسي بإي تباوعلي احس بتعب بس الله يعلم بي _روح وين اريدها؟ امي:چويتها حتى تتوب... صفنت بوجهه _شلون! امي:مثل ما سمعتي وهسه انكسحي سبحي اخذچ للصالون تحفين _ما اروح بالبيت اسوي حواجبي امي:انتِ ما تعانديني فهمتي؟ما الچ لسان المفروض ترحين ورجليچ فوگ راسچ هزيت راسي بإي،عافتني وطلعت رقيه:گالت احترگت ما گالت چويتها،وراحت للمستشفى اخذها الاكبر ورائد _كله مني انا السبب رقيه:شصار ويه سجاد _گال نشرد صفنت تباوعلي رقيه:شنووو _اي نشرد للشمال وتالي للخارج رقيه:وانتِ موافقه! _اي انا ما اگدر اخذ غيره رقيه:انتِ مخبله لو براسچ شي _ليش؟ رقيه:ابوچ معارفه من فضل الله بكل العراق قبل لا تطلعين من البصره يلگاچ نورس _ما نظل چم يوم ونطلع للخارج رقيه:لا تتغابين نورس،ثنينه نعرف راح تنلزمون لو رحتوا اخر الدنيا دنكت راسي بحيره التفتنه من دخلت… #روح #الاكبر #foryoupage #fypシ゚viral #fyppppppppppppppppppppppp - @io_11a.o