@megdadahmed22: جرح الجسد مهما نزف، بوقف، ومهما كان الوجع شديد، مع الزمن بيبرا. لكن جرح الروح… دا الوجع البتخبِّيهو في الضلوع، ما بتوريهو لزول، وتقعد تساهر بيهو الليل، وتعاين للنجوم كأنها شاهدة على دموعك. تعب الروح بخلي الدنيا تقيلة، والضحكة تجي مصطنعة، وكل يوم تقول: "يمكن بكرة يكون أحسن"، لكن يمر البكرة زي الأمس. الناس يمكن يشوفوك واقف وبتضحك، لكن ما عارفين إنك من جوه منهك، من جوه محتاج بس زول يسمعك، محتاج كلمة تطبطب على جرحك. وبرغم كل دا… الروح ما بتموت، فيها سر رباني عجيب، مهما تكسرت بتلقى ليها حيل تقوم من جديد. وأجمل شي، إنو ربنا دايمًا بيرسل ليك لمعة نور وسط العتمة، يا في دعوة صافية من أمك، يا في كلمة حنينة من صاحب وفي، يا في موقف يخليك تحس لسه في خير في الدنيا. الروح بتتعب، أيوا… لكن برجع ليها أمل، وبتعرف إنو لسه قدامك أيام بتستاهل تعيشها. #خواطر #سودانيز_تيك_توك_مشاهير_السودان🇸🇩 #جخو،الشغل،دا،يا،عالم،➕_❤_📝

المقداد // Megdad

Open In TikTok:

Region: SD

Monday 25 August 2025 22:29:01 GMT