@abdulsalamsanei: Noloshu waa safar mararka qaar dhadhan macaan leedahay, mararka qaarna dhadhan qadhaadh. Waxaa jira maalmo farxad iyo guul ah oo qof walba kugu hareeraysan yahay, iyo maalmo kale oo murugo iyo daal ah oo kaliya codkaaga aad maqasho. Marka aad ku jirto hoos u dhac, dadka badankood waxay la yimaadaan cudur daar: “Waan mashquulsanaa,” “Ma awoodo hadda,” ama “Samir, waqtiga ayaa wax hagaajin doona.” Laakiin qofka dhab ahaan ku qiimeeya ma aha midka hadalka badan, waa kan ficil ahaan garabkaaga ku istaaga, gacantaada qabta, kuna yiraahda: “Waxaan kula joogaa, hana cabsan.” Qofka noocaas ahi waa dahab qarsoon, waa nimco Alle kuu soo diray, waa iftiin yar oo mugdiga ku dhex shidma. Waa qofka ku xasuusinaya inaad wali awood leedahay, xitaa marka aad naftaada shaki ka qabto. Markaad dib u milicsato noloshaada, waxaad ogaan doontaa in guushaada qayb ka mid ah aysan ka iman dadaalkaaga oo kaliya, balse ay jiraan dad kugu riixay kor, xilli ay kuwo kale cudur daar samaynayeen. Sidaas darteed, waligaa ha ilaawin qofkii dhab ahaan ku garab istaagay. Abaal gudkiisu ma aha hadiyad weyn oo keliya, mararka qaar hal eray oo qalbi ka soo go’a sida “Mahadsanid” ayaa noqon kara mid qalbiga qofkaasi ku reeba raad waara. Qofka ku garab istaagay waqtiga adag waa tiir aan qiimo lagu qiyaasi karin. Waa xusuus noloshaada ku iftiimisa, waa hibo aysan dhammaan dadka helin. Xusuusnow: Waligaa ha ilaawin qofkii ku garab istaagay, xilli qof walba kaa cudur daartay. U qaddari, u mahadnaq, oo qalbigaaga ku xafid.

Sanei 🇸🇴📚

Open In TikTok:

Region: SO

Tuesday 26 August 2025 04:20:11 GMT