@tota96913001219204: واحدة من أكثر الأغاني السودانية الملانة أسى و أحزان، و أتغنى بيها كثير من الفنانين. بتبدأ و بتقول: " إنت نسيت أيام ما كنا نعيش الحب في عهدو الاول... ياما كتير و كتير فكرنا وكنا بنحلم بالمستقبل... في الحب بنبدأ نبني أحلامنا المستقبلية، بس بننسى إنو في مشاكل و خصومة ممكن تعدى علينا و تغير مجرى حياتنا و المواقف دي بتغير مشاعرنا، وأحياناً ماف زول مشاعرو بتتغير بمجرد موقف أو موقفين بتتغير بتراكم المواقف و بتنتهي العلاقة، وفي نهاية صاحب القلب النقى هو البتأذي... وبكمل و بقول... " لكن فجأة بديت تتنكر عن ريدتنا بقيت ما بتسأل قلبك رغم الطيبة الفيهو أنا بستغرب كيف أتبدل.. " فاكر الكلمة القولتها لي وأنت في لحظه هنئه سعيدة أتعاهدنا علي الحنية ونقضي عمرنا محبه شديدة.. في الكوبليهات دي هو بتكلم لينا عن المواقف العاشها مع الطرف الثاني و الوعود القطعوها وهم مع بعض، و مع مرور الوقت أتضح بإنو كل الوعود طلعت أوهام، ولو أنت ما قدر الوعد ما توعد إنسان ساى لأنوفي ناس بتتمسك وبتتأمل، ولو أتخلفت عن وعدك، الطرف الثاني ما حيثق في الوعود طيلة عمرو... " كنتا بريدك زي عينيا وانا صدقتا كلام الريد عارفو قلبك وافي ومخلص وإنك تقسي دي حاجة بعيدة.. " و في الكوبلي دا هو ما كان مستوعب فكرة الأنفصال و كان بحاول يضغط على الطرف الثاني عشان يكمل معاه عسى ولعل يرضى و يكمل معاه بس كانت كل محاولاتو بتخيب، لأنو هو كان متمسك بالطيبة و التصنع الكانت في بداية العلاقة و كان مفتكر بانو دي هي طبيعة شخصو المفضل شخص مثالي و قلبو أبيض، بس مع مرور الأيام أتضحليه العكس و التصنع عموماً ما حلو خليك على طبيعتك و أكيد حيجي الأنسان الحيتقبلك بطبيعتك دي... " راجع نفسك ما تكون جاير وخلي حياتنا تعود لي هناها... ما تحطم بأيدك نفسي والامال القلبي بناها.. " لو في زول عايز يكمل معاك ما حيتغير عليك، و ما تتعب روحك، و تحاول تضغط عليه و توعى و في الكوبلي دا كان هو متأمل و في كل مرة بقدم عذر جديد لنفسو بس شخصو المفضل ما عايز يكمل معاهو... مهما قسيت انا برضو بحبك وساعة عطفك بتمناها مهما يزيد ألمو وحرماني برضي سعادتك بتمناها... #عل_آخر_المطاف " الزول البحبك ما حيخليك تعاني في حبو، ولا حيرضى ليك بالعذاب لأنو هو عايزك تعيش حياتك بكل فرح و سرور، و حيخلي حياتك وردية، وملانة بهجة، أما وقت يحصل العكس، فأنت لازم تتنازل عن العلاقة دي... #استمتعو_ولاتنسو_اللايك_والمتابعه #سودانيز_تيك_توك_مشاهير_السودان💜🇸🇩💜 #مليون_مشاهدة #بورتسودان_البحر_الأحمر_السودان🇸🇩🌫️