‎لووت بەرزیم بەقەد دووری ئاسمان و قوڵای زەریاکان بوو ‎دواجار ئیشقت چۆکی پێدادام وو سواڵی دڵۆپێك سۆزی پێکردم لەو جیهانە ڕەشەی لە دڵی تۆدا هەییە . زۆر جار دەڵێم دەرحەق بەو لوتبەرزیەم خودا پەڵەی ئیشقی تۆی بە دڵمەوەنا بەس لووتبەرزی من هەرگیز کەسی بە شەڕ نەداوە لەگەڵ ویژدانی ، لووت بەرزی من قەت مەرگی پێشانی کەسێک نەداوە کە دەرفەتی چەندەها ساڵ ژیان کردنی هەییە. من تا ئێستاش هەر کە ناوی تۆ دەبیستم وەک شەمێک دەگەشێمەوە’ دەگەشێمەوە و لە یادی دەکەم کە ئیدی چاوی تۆ بە ڕوناکی شەمێکیتر فێرە . زۆر جار لە خۆم دەپرسم مەگەر من خۆشناویسترێم یانیش من کەم خۆشمدەوێن؟ چیت لە خۆشویستنی من نەدۆزیەوە کە ئاوا سەرت لە ڕۆشتن ناوە؟ من کە لە هێلانەی چاوانت بترازێ هیچ شوێنی دیم شک نە دەبرد بۆ حەوانەوە تیایدا، ئێستا وا هەڵوەدای ئەو دەشت وو چێوەم بە هیوای ئەوەی شوێنێک وەك چاوەکانت ئەمین بێت و لە خۆم بگرێت ، ئەو چاوانەی هەموو کەسیان دەدی و لە ئاست مندا کوێر بوون ، کەچی تاکە خێوێتگەی دڵی من بوو . زۆر جار هەست بە وجودت دەکەم لە نزیک خۆمەوە ، وا دەزانم خەریکی دووری نێوانمان ببڕی و بێیت وو بڵێیت ئەوەی ڕویدا هەمووی گاڵتەیەک بوو من هاتم بۆ لای تۆ ، زۆر جار لە ڕێگادا دەڕۆم وو هەست دەکەم تۆ بانگم دەکەیت ، بۆ چەند چرکەیەک ڕەق دەبم لە شوێنی خۆم و ڕووم وەردەگێڕم بە هیوای ئەوەی لە کوچەیەک بە پێکەنینەوە دەربچیت و بێیت بۆ لام ، لە کۆتایدا ئەمانە تەنها هەستێکن و ئیدی ڕۆژگار قەت من وو تۆ نەک لە یەک ڕێ ، بەڵکو لە یەك ژیانیشدا کۆ ناکاتەوە ، ئەوەتا تۆ لە ژین وو کەیف و سەفادایت وو منیش تاڵی مەرگ دەکێشم. هەڵبەتە گەر قەرارە ژین خۆشی بۆ تۆ بێنێت ، ڕۆژگار گەر ژەهریشم پێبدا بێ دودڵی دەیخۆمەوە . #4u #fyp #firdaws - @fird4us.s