@angbalitangayonfb: Posibleng malagay sa alanganin ang nominasyon ni Justice Secretary “Boying” Remulla bilang Ombudsman ayon kay Supreme Court spokesperson Atty. Camille Sue Mae Ting, matapos kumpirmahin na “non-negotiable requirement” ang pagkakaroon ng Ombudsman clearance para makasali sa shortlist ng Judicial and Bar Council (JBC). Ayon kay Ting, malinaw ang rules ng JBC: ang sinumang may pending criminal o regular administrative case ay awtomatikong hindi kwalipikado para sa nominasyon. “One of the requirements under the rules is an Ombudsman clearance. That means wala na silang pending administrative or criminal case before the Ombudsman.” Ipinaliwanag din ni Ting na kritikal ang clearance dahil ang Ombudsman mismo ang mag-iimbestiga at magpe-prosecute sa mga opisyal ng gobyerno na masasangkot sa graft at corruption. “Because the Ombudsman is the one prosecuting and investigating our government officials. One of the qualifications is probity, so that means dapat of good moral standing and of good moral character sila.” Nilinaw ng SC spokesperson na binibigyan si Remulla ng hanggang araw ng final deliberations para isumite ang clearance. “He is given until the day of final deliberations to submit his clearance.” Ang mga deliberasyon ay inaasahang magaganap sa susunod na ilang linggo, at kung hindi makapagsumite ng clearance si Remulla sa mismong araw ng deliberations, awtomatiko siyang madi-disqualify sa shortlist na isusumite sa Pangulo. #marcos #duterte #Ombudsman #SupremeCourt #AngBalitaNgayonFB

Ang Balita Ngayon

Open In TikTok:

Region: PH

Tuesday 02 September 2025 12:11:47 GMT