@bader.j511: البارحه يوم الخلايق نياما بيحت من كثر البكاء كل مكنون قمت أتوجد له وأنثر علاما من موق عيني دمعها كان مخزون ولي ونةٍ من سمعها ما يناما كني صويبٍ بين الأضلاع مطعون وإلا كما ونة كسير السلاما خلوه ربعه للمعادين مديون وإلا في ونة راعبية حماما غاد ذكرها والقوانيص يرمون تسمع لها بين الجرايد حطاما ومن نوحها تدعي المواليف يبكون مرحوم ياللي مات شهر الصياما صافي الجبين بليلة العيد مدفون حطوا عليه من الخرق ثوب خاما وقاموا عليه من الترايب يهلون مرحوم ياللي مامشى بالملاما جيران بيته راح ما منه يشكون أخذت أنا وياه عشرة أعواما مع مثلهن في كيفةٍ مالها لون والله كنه يا عرب صرف عاما وياحيلة الله شغل الأيام وشلون وأكبر همومي من بزورٍ يتامى لاجيتهم قدام وجهي يبكون وإن قلت لا تبكون قالوا علاما نبكي ويبكي مثلنا كل محزون قلت السبب تبكون قالوا يتامى قلت اليتيم آنا وإنتم تسجون مع البزور وكل جرحٍ يلاما إلا جروح بخاطري ما يطيبون قمت أتوجد عند ربعٍ حشاما جوني على فرقى خليلي يعزون قالوا تزوج وإنس لامه بلاما وترى العذارى عن بعضهم يسلون قلت أنا أخاف من غاديات الذماما اللي على ضيم الدهر ما يتاقون تزعل عيالي بالنهر والكلاما وأنا تجرعني من المر بصحون والله لولا هالصغار اليتامى وأخاف عليهم من السكه يضيعون لقول كل البيض عقبه حراما وأصبر كما يصبر على الحبس مسجون عليه مني كل يومٍ سلاما عدة حجيج البيت واللي يطوفون وإعداد ما نبت النفل والخزامى على النبي ياللي حضرتوا تصلون الفنان بشير حمد شنان ——
