@dahirmhashim: A jawabi na, na jaddada cewa sauyin yanayi ba barazana ce ta nesa ba, barazana ce da muke fuskanta kullum wadda ke shafar jadawalin noma, albarkatun ruwa da kuma tsaron abinci. Na bayyana yadda mu a Kano muke ɗaukar matakai ta hanyar shuka bishiyoyi, ayyukan magance ambaliya, yin takin gargajiya daga shara da kuma dawo da ƙasar data lalace saboda zaizayar ƙasa. Waɗannan ba ayyukan wucin gadi ba ne, su ne ginshiƙin da manoma za su iya tsara harkokinsu, saka jari da kuma haɓaka, a yanayin da yake canzawa. Na kuma jaddada rawar da matasa manoma ke takawa wajen inganta noman da ya dace da yanayi. Ta hanyar daukar matakan da ke kare lafiyar ƙasa, amfani da ruwa yadda ya kamata, rage ɓarnar amfanin gona da kuma dashen bishiyoyi cikin gonaki, za su iya tabbatar da abinci, samar da ayyukan yi da kuma kare muhalli. A matsayina na wakilin gwamnati, zamu dage wajen tallafa musu da tsare-tsare, haɗin gwiwa, da shirye-shiryen da za su bai wa matasa damar yin noma mai dorewa. Dr. Dahir M. Hashim Kwamishinan Muhalli da Sauyin Yanayi na Jihar Kano

Dr. Dahir M. Hashim

Open In TikTok:

Region: NG

Sunday 07 September 2025 20:16:06 GMT