@bilgen.durys: ⚡️Қазақстандық блогер «қасиетті дұғаны» ақшаға сатып жатыр деген ақпарат желіде қызу талқылануда. Аякөз Асқарова қазір Меккеде жүргенін айтып, дәл осы дұға өзіне көмектескенін мәлімдеді. Ол адамдардың сұрауы бойынша дұғаны 24 сағатқа қолжетімді ететінін де жариялаған. Айта кетейік, Аякөз Асқарова – «Еуразия» бірінші арнасындағы QosLike шоуының қатысушысы. Блогер сын айтқандарға да жауап берді: «Дұғаны сатып алғысы келмесе, ешкімді қинамаймын. Дұғаның да өзіндік оқу тәсілдері бар. Мен оны қалай, қай уақытта айту керегін толық түсіндіріп беремін. Бағасы – 1000 теңге. Ал тегін десеңдер, Құранды өздерің ашып оқыңдар. Бірақ көпшілік дайын дүниені алғысы келеді де, ең болмаса мың теңгесін қимайды», – деді ол. Бұл жағдайға қатысты пікір білдірген ҚМДБ өкілдері дұғаны сату шариғатқа қайшы екенін мәлімдеді. «Дұға – пенде мен Жаратушы арасындағы рухани байланыс, ол ешқашан саудаға түспейді. Дұғаны сату немесе сатып алу дінді коммерцияға айналдырады. Әр мұсылман дұғаны шын ықыласпен өзі оқи алады, ол үшін ақша төлеудің қажеті жоқ», – деді мүфтият. Әлеуметтік желі қолданушылары да блогерді дінді табыс көзіне айналдырды деп сынға алды. #ислам #мекке #дұға #дін #шариғат

BILGEN DURYS

Open In TikTok:

Region: KZ

Tuesday 09 September 2025 13:45:58 GMT