@machingatvtz: Mgombea ubunge wa Jimbo la Kigoma Mjini kupitia Chama Cha Mapinduzi (CCM), Clayton Chipando (Baba Levo) , ameonyesha upekee katika siasa baada ya kuwapa wananchi nafasi ya kumuuliza maswali moja kwa moja wakati wa mkutano wake wa kampeni. Katika mkutano huo uliohudhuriwa na mamia ya wakazi wa Kigoma Mjini, Baba Levo aliwataka wananchi wasisite kuuliza maswali yoyote bila kujali ukubwa au uzito wake. Hatua hiyo ilileta msisimko mkubwa ambapo wananchi walitumia nafasi hiyo kumuuliza maswali magumu kuhusu ajenda zake, maendeleo ya vijana, huduma za jamii, pamoja na namna atakavyoshirikiana na wananchi iwapo atachaguliwa. Akiwa jukwaani, Baba Levo alijibu hoja zote kwa uwazi, akisisitiza dhamira yake ya kusimama bega kwa bega na wananchi katika kutatua changamoto zinazowakabili. “Nipo tayari kuwasikiliza, changamoto zenu ndizo dira yangu ya kufanya kazi,” alisema huku akishangiliwa na wafuasi wake. Wananchi waliohudhuria walieleza kufurahishwa na ujasiri wa mgombea huyo wa CCM kuruhusu maswali ya moja kwa moja, wakisema ni ishara ya mwanasiasa anayetaka uwazi na mshirikiano wa kweli na wapiga kura wake.

Machingatv

Open In TikTok:

Region: TZ

Wednesday 10 September 2025 05:03:16 GMT