:انه عشك الورد ما عشته لحضات. عشت عشك الطلايب والحرايب. انه ما عندي واحد جاب وردات بس هواي جابولي المصايب. شبعد يا وكتي ما كفيت دكات ما ترهم صلح وبلا حرايب. نفس واحد اريد وموش شهكات. وصل وياي ضيمك للحواجب. حبله ام الفرح بلسابع ومات. وهاي اخر وشاله بضهر شايب. بعد ما ضن تكمط والوكت فات. ولا هلهوله تسمع من گرايب. اطلب عون ياهو وناسي شمات. ما ينشد ضهر وي العگارب. اذا جف العمام يجيب صكعات بعد شنطر صديج بجفه جايب ولا ملكه الحبيبه يزيح لوعات وأنه بهاي كلها لوحدي احارب. ما مرتني ليله بدون اهات من جمع الصلب وي الترائب. بعد عشرين عمري وكلي شيبات وغلبت العمره ميه من التجارب. حيل أمطر يوكتي بدون صفنات. اريد اوكف جبل تحت النوايب.