@leniphaswallo: MITAA HAITAMSAHAU ALLY YANGA 🕊️💛💚 Kuna majina yanapita kama upepo, lakini yapo mengine yanayobaki kuwa alama za kudumu kwenye historia ya mchezo. Moja ya jina hilo ni la shujaa wa ushabiki, Ally Mohamed maarufu kama “Ally Yanga.” Juni 20, 2017 dunia ya soka nchini ilitikiswa. Ajali mbaya ya gari eneo la Mpwapwa, Dodoma ilinyakua pumzi ya maisha ya kijana huyu mcheshi, shujaa wa mwamvuli wa Yanga SC na Taifa Stars. Alikuwa kwenye msafara wa mbio za Mwenge, safari ambayo ilikatika ghafla, ikiacha pengo lisilo na kipimo. Ally Yanga, mtoto wa Shinyanga aliyezaliwa Machi 1, 1984, na baadaye kuishi Yombo Vituka, Dar es Salaam, hakuwa shabiki wa kawaida. Aligeuka taswira ya upendo wa kweli kwa mpira.Wakati wengine wakisita kuonyesha hisia zao, yeye aliweka maisha yake mezani kwa timu yake: akipaka masizi usoni, akivaa tumbo la bandia mithili ya mama mjamzito, akigeuka kioo cha uhalisi wa mapenzi yasiyofichika. Kila Yanga iliposafiri — iwe Arusha, Mbeya au hata nje ya mipaka ya nchi — Ally Yanga alikuwepo. Alishusha jasho, sauti na hata mabishano kwaajili ya nembo ya klabu yake na timu ya taifa. Alikuwa askari wa mapenzi ya soka, mpiganaji wa heshima ya bendera.Miaka mingi imepita tangu kelele zake zime, lakini kumbukumbu yake bado zinacheza kama wimbo kwenye viwanja vya mbalimbali. Leo Yanga SC wanaposherehekea kilele cha tamasha lao Siku ya Mwananchi, moyo WANGU unajiuliza kwa huzuni:\n👉 Leo angekuwepo Ally Yanga, angefanyaje jukwaa litikisike? Ndiyo maana mitaa haitamsahau. Ndiyo maana viwanja vitabaki vikimkumbuka. Na ndiyo maana roho za mashabiki zitabeba jina lake milele. Mwamba wa ushabiki, muasisi wa kujipaka masizi, aliyegeuza kelele kuwa urithi — pumzika kwa amani, Ally Yanga. 🕊️ 📝#kalamuyakidomaster HAITAMSAHAU ALLY YANGA #gxmedia #weeducate #weentertain

lenipha_swallo

Open In TikTok:

Region: TZ

Friday 12 September 2025 14:44:38 GMT