@g24noticias: 🏠 MONFORTE DE LEMOS A Xunta abre o primeiro centro específico de menores migrantes no edificio residencial Francisco Suárez #Galicia #galego #TVG #G24 #G24noticias #G24gal A conselleira de Política Social e Igualdade, Fabiola García, anunciou esta mañá que Monforte de Lemos acollerá o primeiro centro específico para menores estranxeiros que se abrirá en Galicia para afrontar o traslado impulsado polo Goberno central. O novo centro estará instalado no edificio residencial Francisco Suárez que PRODEME ten en Monforte. O centro inicialmente vai dispoñer de 80 prazas. Fabiola García agradeceu, durante a visita ás instalacións, a colaboración da entidade social e lamentou que a imposición do executivo central obrigara á Xunta "a facer o que non quería, crear centros específicos para menores estranxeiros”, modificando o seu sistema de protección da infancia e adolescencia. Fabiola García denunciou, ademais, que o traslado destes menores non vai acompañado de financiamento, pese a que, segundo os cálculos realizados polo Goberno galego, atender a todos os adolescentes terá un custo aproximado de ata 30 millóns de euros ao ano.

g24noticias

Open In TikTok:

Region: ES

Saturday 13 September 2025 21:45:43 GMT