Alxamdulillaah Xalay magaalada Muqdisho waxaan ku guddoomay abaalmarinta “Podcaster-ka Sanadka” ee Somali Social Media Awards taas oo aan ku muteystay barnaamijyada kala duwan ee aan kusoo bandhigo Kanaalkeyga Abdijaliil Show. Waxaan u mahadcelinayaa hay’adaha Somali Social Media Awards oo abaalmarintan ii garatay, iyo dhammaan asxaabta qiimaha badan ee sababay inaan heerkan soo gaaro. Abaalmarintan ma aha mid aniga ii gaar ah, waa mid guud ahaan ay leeyihiin daawadayaasha sharafta leh ee ku xidhan Abdijaliil Show. Laga soo bilaabo Muqdisho, Hargeysa, Jigjiga, Garowe, Boorama, Kismaayo, Nairobi, London, Minnesota, Doha iyo Dubai – dhammaantiin waxaad tihiin laf-dhabarka guushan. Mahadsanidiin sida joogtada ah ee aad qayb ugu tihiin barnaamijyadayda. Markii aan bilaabay Abdijaliil Show muddo 1 sano iyo 8 bilood ka hor, waxaan ballan qaaday inaan bulshada u keenayo mowduuc tayo leh oo buuxiya booskii ay baneeyeen warbaahintii dhaqanka (Traditional Media). Waxaan xoogga saarnay saddex barnaamij oo muhiim u ah bulshada Soomaaliyeed: 1. Barnaamijka Dhalinyarada iyo Teknolojiyadda 2. Barnaamijka Culimada Soomaaliyeed – mid aan aad u jeclahay 3. Barnaamijka Siyaasadda iyo Taariikhda Waxaan ku dedaalnay inaan idiin soo bandhigno marti qiimo iyo sumcad leh, oo aad wax ka kororsataan. Ilaahay mahaddiis, ballantaas way rumoowday – maanta ma ahan oo keliya barnaamij, ee waa bulsho isku duuban oo kor u dhaaftay 340,000 (Seddax Boqol iyo Afartan Kun) Iyo Malaayiin kale oo ka faaideystay muuqaalada aan duubay. Intii safarkan aan ku jiray, waxaan isbeddel ku sameynay dad badan oo da’ walbo leh. Shaqadani waxay ii ahayd sharaf iyo waajib; mana dareemin caajis iyo daal, waayo waxaan ogaa in wax badan aad dib ugu celinaayay bulshadeyda. Waxaan idinka ballan qaadayaa inaan sii wadi doono dadaalka, inaan kor u qaado tayada, isla markaana aan idinla wadaago sheekooyin, aqoon iyo aragtiyo wax dhisaya. Abaalmarintan waa calaamad muujinaysa in hal-abuurka iyo runta la wadaago ay leeyihiin awood beddeli karta bulsho. Mahadsanidiin taageerayaasha Abdijaliil Show. Idinka la’aantiin heerkan ma gaareen Barnaamijkeenna❤️. Mahadsanidiin dhamaantiin ❤️ #AbdijaliilShow #SomaliAwards #AudienceIsPower @Muhsin Creative 🇸🇴 🎥🎥 - @abdijaliilosman