@karakiya_ms: ЕҢБЕК АДАМЫ: ҚЫЗМЕТ ПЕН ӨМІР ЖОЛЫ – ҰРПАҚҚА ҮЛГІ. Қарақия ауданы құрылған күннен бастап мемлекеттік қызметке адал еңбек етіп келе жатқан ардақты азамат бар. Ол – Ержан Бегниязов. Жарты ғасырдан астам уақыт аудан мен облыстың дамуына өзіндік үлесін қосқан тұлға бүгінде зейнет жасында болса да, қоғамдық жұмыстардың бел ортасында жүр. Қоғамдық кеңестің төрағасы ретінде елді ортақ іске жұмылдырып, жастарға өнеге көрсетіп келеді. Ержан Бегниязов 1953 жылы Атырау қаласында дүниеге келген. Еңбек жолын 1973 жылы бастап, Қарақия ауданында түрлі жауапты қызметтер атқарды. Әлеуметтік сала мен ауыл шаруашылығы бөлімдерін басқарды, әкімнің орынбасары қызметін де абыроймен атқарды. Қиын кезеңдерде, әсіресе 1990-жылдары, халықтың әлеуметтік мәселесін шешуге бар күшін жұмсады. Бүгінде Ержан Бегниязов – үлкен әулеттің ақсақалы. 2 ұл, 2 қыз тәрбиелеп, 10 немере, 8 жиен және 2 шөбере сүйіп отырған ардақты ата. Өмірінің жарты ғасырдан астамын ел игілігіне арнаған Қарақия ауданының Құрметті азаматы Ержан Бегниязовтың еңбек жолы – кейінгі ұрпаққа үлгі боларлық өнеге.

Қарақия мәдениет-спорт

Open In TikTok:

Region: KZ

Tuesday 16 September 2025 10:29:59 GMT