أرخص طريقة سفر لتركيا في راس السنة 🇪🇬✈️🇹🇷🎄 تأشيرة تركيا السياحية 🇹🇷 مكتب التأشيرة : - التقديم في مكتب mz - عنوان المكتب : 21 شارع قمبيز، قسم الدقي، محافظة الجيزة - مواعيد العمل من الاحد للخميس من ٩ ل ٥ أوراق التأشيرة : - جواز سفر ساري و صورة منه باثبات المهنة علي البطاقة و الباسبور و صالح لمدة لا تقل عن ٦ شهور من تاريخ الدخول - صورتين ٤*٦ خلفية بيضة حديثة - خطاب من جهة العمل مختوم و ممضي مع اثبات مدة العطلة من العمل شامل المسمي الوظيفي ، تاريخ التعيين ، الراتب و الرقم التأميني باللغة الانجليزية مع السبب من الزيارة - اصل و صورة سجل تجاري و بطاقة ضريبية لو صاحب شركة - لو طالب اثبات قيد من الجامعة او المدرسة و لا يتعدي ال ٣٠ يوم من تاريخ اصداره - لو مسافر مع زوجتك هتحتاج اصل وثيقة الزواج - صورة من التأشيرات السابقة لو معاك. - كشف حساب بنكي لاخر ٦ شهور عليه حركات سحب و ايداع ، مطبوع و ممضي من البنك و لا يتعدي مدته ال ١٠ ايام من تاريخ اصداره و يكون في الحساب ما يعادل ٥٠ دولار او اكتر في اليوم للفرد - حجز طيران و فندق مبدأيمجر - صورة لاي تاشيرات منتهية مسبقة للشنجن ، بريطانيا او امريكا ان وجد - لو عيلة مكونة من ٣ افراد بتقدم تاشيرة منفصلة للزوج و الزوجة و الابن الفوق ال ٢٠ سنة و لازم يتقدم كشف حساب الزوج نيابة عن ال٣ افراد و التقديم في نفس اليوم في ملف واحد - تأمين سفر و صوره منه ، لو معاك جواز سفر ساري بيطلع عن طريق الخطوات ديه :- - 1. يتوجه المواطن إلى أقرب مقر للجوازات. - 2. ثم يتجه إلى شباك أمان ومعه جواز السفر. - 3. يقوم بسداد رسوم قسط التأمين والحصول على الملصق الإلكتروني. - 4. يقوم بطباعة الوثيقة من خلال بوابة العملاء بموقع المجمعة الموضح أدناه: المجمعة المصرية لتأمين السفر للخارجhttps://epti-egypt.orgالمجمعة المصرية لتأمين السفر للخارج - صورة ضوئية لكل المستندات السابقة - النتيجة بتطلع بعد أسبوع ساعتها بتروح تستلم الباسبور بنفسك - التأشيرة مدتها ٣٠ يوم و صالحة لمدة ٣ شهور تكلفة الفيزا : 208 دولار كاش (الدولارات تكون طبعة حديثة) السعر ده في ٢٠٢٤ ممكن السعر يكون زاد الأوراق المطلوبة للتصريح الأمني : - أصل الباسبور + 3 صور ضوئية منه . - تاشيرة تركيا + 3 صور ضوئية منها. - استمارة التصريح بتشتريها و انت هناك و بتملاها بدقة و بترفقها مع الورق. - صورة البطاقة و بطاقة الوالد - في حال إن كنت موظف حكومي أو خاص .. لازم تجيب جواب HR + جواب من التأمينات. و لازم تكون المهنة مثبتة في الباسبور. - لو كنت طالب او بلاعمل او “حاصل علي ..” , لازم يكون معاك فيزة زيارة علي الباسبور علشان تقدر تقدم علي التصريح الأمني , و فيه شركات سياحة كتير ممكن تعملك الدعوة لفيزا الزيارة . - لو كنت صاحب شركة أو عمل خاص , تجيب البطاقة الضريبية و السجل التجاري . - بتروح و بتقدم كل الأوراق دي , و بتاخد رقم و تاريخ معين تستلم بيه الموافقة و التصريح الأمني و تقدر تسافر بعدها بسهولة. * التصريح الامني مطلوب لو السن من ١٢ ل ٤٠ سنة * استلامه بعد ٣-٧ ايام و صالح لمدة شهرين و يتم استخدامه مرة واحدة فقط * يتم تسليم النسخة الاصلية من التصريح المني لظابط الجوازات في المطار * استخراج التصريح الامني من الإدارة العامة للجوازات و الهجرة في العباسية * مواعيد العمل طوال الأسبوع ماعدا الجمعة و الأجازات الرسمية 8 ص – 2 م . * المصاريف ٢٠٠ جنيه تقريبا" للفرد شروط الحصول علي التصريح الامني: - السن من ١٨-٤٥ سنة - ان يحمل وظيفة واضحة مقيدة باحد النقابات او يكون مسجل بالتامينات - اما في حالة اذا كان بلا عمل مثبت علي سفره كحاصل علي بكالوريوس او طالب لا يقبل له تصريح امني الا في حالة احضار تاشيرة زيارة البلد من خلال دعوة احد مواطنيها او شركة عاملة بها المسموح لهم باستخراج تأشيرة تركيا اونلاين ( السعر ٤٠ دولار ): - السن من ٢٠ سنة و أقل أو ٤٥ سنة و أكثر او - حاصل علي فيزا شنجن او بريطانيا او امريكا سارية و لو غير موجودة علي الباسبور يبقي تصريح اقامة لاي دولة منهم. او - حاصل علي اقامة في اوروبا او بريطانيا او امريكا - التأشيرة بتطلع في خلال ٢٤ ساعة و بتتبعت علي البريد الالكتروني و صالحة لمدة ٣٠ يوم. شروط التأشيرة الالكترونية السفر علي خطوط طيران زي Egyptair ، turkish airlines ، pegasus , nileair فقط - @sherifelfekyy