#كاظم_اسماعيل_الكاطع ،، الليلة اموت .. الليلة .. اخر ليلة ... الغيم مد يده اعله راسي والمطر شد حيله الليلة كَطرات العمر ناكَوط حب سهران يمه !! دخيلج !!! اترجاج !! ضميني بسواد الشيله الليلة ليله !!!! هد عليه الليل بخيول الظلام منين اجيب الحيل ويرد خيله ... حيرتني ضنون موتي : اوف !! نعشي شلون اوصله الباب اهلنا!!! ومن يكَابلني عليه ونشيله الليله اموت الليله كَلبي ينام دافي وتندفن وياه حرارة چيله.. الدم ينبع من سراديب الضلوع ويرسم جروحي على الفانيله ... وطير من بين الضلوع يطير وتلحكَه السهام وقيس يخسر ليله !!! وكَمر سكران اعله ميز قمار ضيع ليله ... تفيض روجات الحسافه وتكسر الشط ... يا سنيني الرايحات وداعة الله انطيني بوسه موادع الخل الخليله ... يا نخل يا عاكَر ::: احبل يا نخل يا عاكَر ::: اطلك ضوكَ طعم الفاجعه بوتت فسيلة وصيح :: يا هور الحزن لا تغفه يا هور الحزن تابوت اجاك ويا الكَصب بهداي حطه عالجرف.. ( ومحمداوي ) من الكَلب غنيله ... يا مطر ..؟؟ يا سيل ؟؟؟ اخذني اعله نهران الحبيب بلكي اصادف صورته ؟؟ شي باقي منه ؟؟؟ اثر جدمه عالرمل.. واسجد بدمي عالرمل وشكيله .. ونزع عيوني براحته وهي العيون معلمه اشتبجيله !!!!! وتركَص الغربان عالجثة الثكَيله ... يا طيور الليل وديني اعله ناسي .. اليموت ... يشوف / يسمع / يلتفت / ينكسر كَلبه ,,, ويعرف اليبجيله ... تمنى وعادة الموات يتمنى ... وانا اتمنى الشتا ... وحضن الحبيب ... وسيف كاتلني كَبل هالليله - @aseel.muzahim.ali