@juzmedia: Депутат Ерболат Сатыбалдин: «Неге бір облыс триллиондап алады, ал екіншісі мардымсыз қаржымен қалады?» Қазақстан Республикасы Мәжілісінің депутаты Ерболат Сатыбалдин өңірлерге бөлінетін қаржыдағы теңсіздік туралы мәселе көтерді. Ол өзінің парақшасында жариялаған видеода қаржы бөлу принципіне күмән келтіріп, әділдікке шақырды: «Біреудің беделіне қарап бөлесіңдер ме, халықтың жуастығына қарап бөлесіңдер ме, әлде жерлестікпен бөлесіңдер ме? Неге бір облыс триллиондап алады, ал бір облыс өзіне қажетті қаражатқа қол жеткізе алмайды?» - деді депутат. Сатыбалдиннің айтуынша, Ұлытау облысы ең артта қалған өңірлердің бірі: жол, су, экология, аурухана, мектеп, балабақша және тұрғын үй мәселелері шешілмеген. «Ел аумағындағы облыстарды дамытуға бағытталған қаржы көлемі әр өңірде әрқалай. Өңірлердің жағдайын теңгеру үшін теңгені де қазіргі жағдайына қарай бөлу керек шығар. Әйтпесе, урбанизациядан әзір көз ашпаймыз», - деп жазды ол. #juzmedia #даму

Juzmedia

Open In TikTok:

Region: KZ

Thursday 18 September 2025 05:45:11 GMT