⁨ ⁨ خنفروش في الفرن المقادير: ٤ بيضات بحرارة الغرفة ٣/٤ كوب سكر ملعقة كبيرة هيل مطحون ( تطحنونه في البيت يعطيكم ريحة أحلى و طعم أقوووى ) ونخلطط في الخلاط نضيف عليهم نصف كوب زيت ربع كوب ماء ورد منقوع فيه زعفران ( الزعفران تطحنونه يعطيكم لون أقوى ) . عقب نضيف عليهم النواشف بس أهم شي تنخلونهم: . نص كوب طحين رز كوب طحين جميع الاستعمالات ملعقة شاي بيكنج باودر ملعقتين طعام حليب بودرة ( اختيااري ) رشة ملح . لا تبالغون ف خفق النواشف بس يتجانسون وقفوا . حطوهم ف أكواب الكب كيك الورقية وتقدرون ترشونهم بسمسم . و دخلوهم فرن مسخن مسبقًا على حرارة ١٦٠ وراقبوهم لما ينتفخون شغلوا عليهم من فوق شوي بس ياخذون لون . أني فرني غاز أخذوا ١١-١٣ دقيقة في المجمل لا تخلونه واجد عشان ماينشف ويحترق من يستوي طلعوه . من تطلعون القالب بسرعة شيلوهم من القالب عشان ما يواصلون خبز من حرارته . الطعم واجد لذيييذ و القوام هش بس مو رطب مثل الكيك لأن المقادير ماتحتوي سوائل واجد . وبالعافية #خنفروش #خنفروش_بحريني #خنفروش_فالآلة - @bh_bakeologist