@noor3_33: وجبه لذيذذه متكامله 🌟 لشاورما اللحم : قطعت لحم عجل ( موزات)شرايح نحيفه مره، وتبلته بزبادي، ليمون، خل ابيض (مهم الخل لانه يطري اللحم)، زيت زيتون، ثوم، بقدونس، ملح، فلفل اسود، بهارات مشكله، كمون، بابريكا، وبصل بودره. خلطته زين وخليته يتتبل تقريبا ساعه. بعدها سخنت مقلاه وحطيت شوي زيت، وشوحت اللحم لين اخذ لون حلو، بعدين اضفت له شوي موية، غطيت عليه وخليته يطبخ على نار هاديه لين استوى وصار طري اخر شي اضفت له بطاطس مكعبات مشويه بالقلايه الهوائيه وخلطتهم مع بعض 🍚 الرز غسلت رز بسمتي ونقعته لمدة ربع ساعه تقريباً وبعدين حطيته بالقدر و صبيت عليه موية مغليه مذوب فيها ماجي زعفران ومنقوع زعفران علشان يكون اللون حلو اهم شي المويه تكون تغطي الرز بمقدار انش تقريباً بعدين ملحته وغطيت عليه وخليته على نار هاديه لين استوى. 🥗 التبوله قطعت بقدونس، طماطم، بصل اخضر، ونعناع. خلطتهم مع بعض وصبيت عليهم الصوص اللي هو : زيت زيتون، ليمون، ملح، فلفل اسود، وكمون. 🥣 صوص الطحينه طحينه + زبادي + ليمون + ثوم + ملح + فلفل اسود + كمون + شوي موية، خلطتهم لين صار الصوص كريمي. ✨ للتقديم في الصحن حطيت شوية رز، فوقها اللحم اللي سويته ، و جنبها التبوله و صبيت عليهم صوص الطحينه و زينتها بدبس رمان وحبات رمان 🥤 المشروب سويت ايس تي ليمون وضفت له عصير رمان وثلج. 🩷 وبالعافيه عليكم #fypシ゚ #4u #viral #السعوديه #food

noor <3

Open In TikTok:

Region: SA

Wednesday 24 September 2025 21:22:48 GMT