@karakiya_ms: Жаңаөзенде «Есірткісіз Маңғыстау» жобасы аясында жастарға арналған ақпараттық кездесу өтті. Жаңаөзен қаласында «Есірткісіз Маңғыстау» жобасының жастарға арналған кезекті ақпараттық кездесуі ұйымдастырылды, деп хабарлайды Қоғамдық коммуникация орталығы өңірлік жастар саясаты мәселелері жөніндегі басқармасының баспасөз қызметіне сілтеме жасап. Жобаның негізгі мақсаты - жастар арасында есірткіге қарсы берік көзқарас қалыптастыру, құқықтық сауаттылықты арттыру және қоғамда зиянды әдеттерге төзбеушілікті орнықтыру. Іс-шараға Маңғыстау облыстық психикалық денсаулық орталығының психологы Гүлсін Бержанова, Маңғыстау облысы полиция департаменті Есірткі қылмысына қарсы іс-қимыл басқармасы бастығының орынбасары Нұрбол Бақтыбай, сондай-ақ «Ай-Шуақ» қоғамдық қорының жетекшісі Шынар Құрмет қатысты. Кездесу барысында жастарға есірткінің адам денсаулығына зияны, психологиялық және құқықтық салдары жөнінде кеңінен түсіндіріліп, салауатты өмір салтын ұстанудың маңызы насихатталды. Қатысушыларға арнайы ақпараттық материалдар таратылып, бейнероликтер көрсетілді.

There are no more comments for this video.

To see more videos from user @karakiya_ms, please go to the Tikwm homepage.