@swnamy10: كتبت ليك لا بيني بينك ريده.. ولا قصة غرام اخترت ليك اجمل حروف و اصدق فواصل نادرة في لغة الكلام لا قصدي الهو معاك بي كلمات غنا لا شعري ليك مرجيحة من شعر الغمام و كتبت ليك والله يا قمر الزمان شان جيتي بي زمن المحنة و شفت في عينيك حس اهلي القدام وكتبت ليك وانا جاي من زمن الشقا المرسوم علي وش الثواني مظللة تتمدد الساعات سنين تتفتح الاحزان غريبة و مذهلة واشتاق افتش نسمة في الزمن العذاب وايامي من كتر الاسى و كتر العزوق و الاغتراب صبحت حروف مترهلة لا فيها نبضة روح تموت لا فيها سكة زول يفوت لحظات اسيفة و مهملة و كتبت ليك ووقفت ليك لا من لقيتك جايا من قلب الطريق و لمحت فيك راحة المشاوير البعيدة و لحفة النسمة الحنينة الجايا من جوف المضيق حسيت عجائب الدنيا إتلمت بقت جاياني من عصرا سحيق عينيك حس اطفال بنادو القمرة للغائب يعود و جبينك الضواي حجا الحبوبة في الزمن السعيد وانا في قساوة الموحش الزمن المكهرب بالحريق انا حيلي ايه قولي لي يا قمر الزمان غير إتكي واحلم معاك وأحضن اماسي الصحوة والأمل البريـــــــــــــــــــــــــــــــــــق #قمر_الزمان #ابو_السيد_ملك_السعادة #مصطفى_سيد_احمد #لا_بيني_بينك_ريدة_لا_قصة_غرام #عينيك_حس_اطفال_بنادو_القمرا_للغائب_يعود

سۣۗـونـۙآمـۙيۣۗ♡𝕊𝕎ℕ𝔸𝕄𝕐

Open In TikTok:

Region: SD

Sunday 28 September 2025 08:43:38 GMT