التخصصات اللي بتشملها منحة GKS الكورية 🇰🇷🎓 كتير طلاب سألوني هل المنحة بتشمل الطب؟ شو التخصصات اللي ممكن أدرسها؟ بكوريا 🇰🇷 الجواب: منحة GKSبتغطي عدد كبير من المجالات... لكن في تفاصيل مهمة 👇 🔹 التخصصات المتاحة بشكل عام: الهندسة بفروعها (مدنية، معمارية، كهرباء، ميكانيك، كمبيوتر، ذكاء اصطناعي…). العلوم الطبيعية (فيزياء، كيمياء، رياضيات، أحياء، علوم الأرض). العلوم الاجتماعية (إدارة أعمال، علاقات دولية، علوم سياسية، اقتصاد، علم اجتماع). الفنون والتصميم والموسيقى. اللغات والآداب (اللغة الكورية، الإنجليزية، الفرنسية… إلخ). 🔹 الطب والصيدلة: لطلاب البكالوريوس: التخصصات الطبية (طب بشري، أسنان، صيدلة) غير متاحة عبر GKS لطلاب الماجستير والدكتوراه: ممكن تلاقي برامج بحثية مرتبطة بالطب (زي علوم الأعصاب، الهندسة الطبية الحيوية، الصحة العامة، الصيدلة البحثية) حسب الجامعة. و هون عملت فيديو تفصيلي.. فيكم تشوفوه من سلسلة الدراسة فكوريا 🇰🇷 رح أعطيكم أمثلة عن طلاب عرب درسو هون بكوريا فكل تخصص... ولو بدكم فيديو عن تجاربهم خبروني ➡️اول مثال: طالب عربي قبلوه ماجستير Public Health بجامعة Yonsei عبر GKS. 🔹 تخصصات إنسانية واجتماعية: في كتير طلاب عرب درسوا إدارة أعمال، علوم سياسية، إعلام، تعليم اللغة الكورية 🔹لغات: ➡️ طالبة من المغرب درست اللغة الكورية وآدابها بجامعة Ewha عن طريق GKS. 🔹 تخصصات الهندسة والتكنولوجيا: هاي أكثر التخصصات اللي عليها إقبال وبتنفتح كل سنة وفيها فرص كتييرة ➡️ طالب من الجزائر درس Computer Science بجامعة KAIST من خلال GKS. 📌 الخلاصة: إذا ناوي على بكالوريوس طب أو صيدلة .... منحة GKS مش الخيار. إذا بدك هندسة، إدارة، فنون، علوم اجتماعية، علوم أساسية ... عندك فرص كبيرة. إذا حابب تدخل بالمجال الطبي/الصح..... الأفضل تقدم على ماجستير أو دكتوراه بمجال بحثي... لو عندكم سؤال خلولي ياه و لي مابيعرفني أنا ريمة دكتورة و رائدة أعمال مقيمة بكوريا بقدم نصائح و فرص من خبرتي هون.. حاليا انا فعطلة بعد ما ارجع لسيول رح افتح صندوق الاسئلة و ندردش سوى لانو بعرف في كاير منكم ضايع و مو عارف من وين يبلش #الدراسة_في_كوريا #kdrama #korea #كوريا #btsarmy - @dr.rima.a