@zhazirabaidaly: Мен үшін Мұқағали – қаламынан махаббат төгілген ақын. Ол үшін өлең – кәсіп те емес, ермек те емес, ол – өмірінің тынысы, жан дүниесінің үні еді. Өмірін өлеңге, өлеңін өмірге айналдырды. Ал сол өмірдің, сол жырдың жүрегінде – мәңгілік махаббат тұрды. Туған жеріне арналған жырларын оқыған сайын таңғаламын: “Қалайша туған мекенін қайта-қайта жырлап таусылмайды?”, “Табиғаттан қалайша осыншама қуат, осыншама махаббат табады?” деп. Сөйтсем, оның ғұмыры басталған мекеннің өзі ғажайып екен ғой. Мұқағалидің ауылына табан тіреп, ол жүрген соқпақпен жүріп өттім. Сол сәтте оның көзімен Хан Тәңіріне қарап, мен де ғашық болдым… #нарынқол #нарынқолтабиғаты #мұқағалимақатаев #мұқағали #хантәңірі