@kald8585: هبت نسانيس البراد ووقت في راس الرفاع اللي مراقيبه حديد الشوف .. دوب يشوفها مربى الحرار و مملكة شهب الذيابه و السباع يزجر طليب الموت بين خشومها و قيوفها مايرعب اللي يهتوي حدب الحتايف و التلاع الا الحنيش اللي تطوّى في مضك الجوفها اليا غشاها داجي الضلما خفق قلب الرعاع الله ولا بعض القلوب اللي .. يبيّن خوفها والاّ حيود ( الضلع ) ماتشره على ( ضلع الشجاع ) يدحم عوالي نجد و كتوفه تهد كتوفها عسى السحاب اللي هماليله تسيّل كل قاع وسميتن ترخي على وجه التراب قنوفها ترهج مدانيق الهضاب و تغتشي جرد البقاع شهب الحزوم اللي يضيع الجيب وسط جروفها اول تباشيره يلج الصوت و يهب الذعاع مخايلن كن المدافع تطحن في جوفها لا لاح برقه ف السماء مالاح تلويح الوداع خد الهنوف اللي تعرّض للهوى نفنوفها ونقعه على وجه الثرى لا اندار ربانه وماع كنه خضاب اللي تحني للخطيب كفوفها يسرح له اللي يعشق السجات ويدق الشراع على طرف خبرن ترد الروح من غطروفها واليا ركز هيم البطون ودرّع النار الولاع حدر الخشيب اللي تهلّع بـ اليباس حيوفها ماعاد عنده في حبوب الضغط وحبوب الصداع في جسلتن يطرق عقب ريح المطر هفهوفها لومك على اللي كان ماطاع الزمان الشين طاع يحسب تصاريف الليال و يرتخي لـ ظروفها مليت من ضحك الوجيه اللي تقنّع بـ القناع اوادمً تسمج سوالفها ب كثر حلوفها ماطاح من دنيا الفنا محسوب من صقط المتاع يغني عنه بكرن شناح مقوسن غضروفها #خالد_ال_بريك #سلطان_الحويقل #راس_الحيه #نسانيس_البراد #شيلات
