عطا السعيدي ـــــــــــــــــــــــــــــــــــــــــــــــــــــــــــــــــ موش انته اللــ ابالي ولا انت المقصود مدري شلون رهمت وانت صرت انت وردتك عود ترهم مارهمت وياي وردت بس ما تهيأ الحاسبه وردته على الخامس وسادس كالبتهه وياك وارخيلك حبل وبلا وعي تعته ويمر صيفك واجرعه وعود اتاني شتاك ياحنضل مرار ان كاظ وان شتّه لهسه مرورتك تحت اللسان تبات عكده وكل حلو بهواك ما ضكته واحس بمنجلك يحصد ورود الشوك اول ما نما الحدين وشرته اباريلك عليمن ليش بعد ارجاك مجفي وكل سبب للوصل كطعته دناك انه الرجيج المايعرف الغيض لو انه اليسيل الماي من تحته انا من اغتاظ افك للغيض مية باب واغلك للمراضه وللصلح سته انا يسمر نكور ومثل نكر الطير اول مال لجحت البيك فرزنته موصاحب طويله ولا ثمل بهواك ولا انت ولام كلبي وصدك والمته اذاً سيان عندي ان رحت وان ضليت دامنت اعله هجرك عمر عاشرته اذا هذي رغبتك والهجر سلواك موش انه اليعت بذيال بايعته ولانه اليشتري غالي ويبيع ارخيص ويحط ثمن نفسه بسوك عاطفته ولو ادري اتغنَّج والغنج مطلوب بس لعب العواطف فاتي او فتتّته انا بشرع العشك دين وصلاة وصوم وبثكل البوارح لو حكم صمته وبشرعك شطارة وغالب ومغلوب وكلمن يرى الناس بعين شاكلته اناحزني التلولي اعله المهد الوحيد ماينشبع منه شكثر ما عفته على الغارب حبلها وروح لا رديت مليت المسايس ما نفع شفته مقفوله وابوه اليدك باب اهواك لابد يوصلك لو تضل بس انت #عطا_السعيدي #شعر_شعبي #شعر #قديم #شعر_وقصائد - @s_h_a518