@mohamedalestratigy: 🔮 أنا ماركتير، مش ساحر يا جماعة 😂 فيه نوع من العملاء أول ما يبدأ كلام يقولك "عايز عملاء من أول أسبوع عشان الشغل نايم" وأنا كل مرة بحاول أفهم هو فاكرني بطير ولا بطلع نار من بوقي؟ 😅 خليني أوضح حاجة بسيطة 👇 1️⃣ الحسابات الجديدة حتى لو فيها 5000 متابع فرضاً يعني مش بالضرورة تكون وصلت لمرحلة إن الناس تعرفك أصلًا. في أول مراحل السيلز فانل، الناس بس شايفاك مش واخداك قرار للشراء يعني 2️⃣ عملية شراء خدمات التسويق طويلة، ودي مراحلها ببساطة: 🧠 الوعي (Awareness): يعرف إنك موجود. 👀 الاهتمام (Interest): يبدأ يتابعك ويقرأ عنك. ⚖️ التفكير (Consideration): يقارن بينك وبين غيرك. 💬 النية (Intent): يبدأ يسأل ويستفسر. 📝 القرار (Decision): يشتري أو يتعاقد معاك. وعلى فكرة 👀 دي مراحل قليلة أصلًا، لأن بيع خدمات لشركات B2B أصعب بكتير من B2C. يعني مفيش حاجة اسمها "بالحب" في التسويق، كل حاجة ليها منطق ومراحل وخطة واضحة. 3️⃣ وبعدين يا باشا ثانيه هنا إنت مش ضامن إنك تعيش بعد دقيقة من دلوقتي 😅 عايزني أضمنلك عميل يعدي كل ده في يومين؟ طب ما عملتش كده لنفسك ليه وتاعبني معاك؟ 😂 4️⃣ اللي مضمون فعلاً هو النمو المنطقي: لو عندك 10 عملاء النهارده، الهدف نوصل لـ 13–15 آخر الشهر. وهتفضل النسبة دي تزيد، بس على حسب: 💰 ميزانية الإعلانات 📈 جودة المحتوى 🤝 طريقتك في قفل الديلز 🎯 التسويق مش عصاية سحرية التسويق = خطة + وقت + التزام اللي فاهم المعادلة دي بيرتاح هو عموماً… اللي بيفهم بيريّح ⭐⚠️ #تسويق #Digital_marketing #Branding #محتوى
