#في زمن القلوب المتغيرة، والكلمات السهلة، والوجوه الكتيرة، بقى لازم تتعلّم إنو الثقة ما بتتوزع ساي. الناس ما كلها نية صافية، ولا كل ضحكة معناها محبة. في ناس بتقرب ليك عشان مصلحة، وناس بتتودد ليك عشان تعرف ضعفك، وفي ناس بتتظاهر بالاهتمام، بس أول ما تنكشف حقيقتك أو يختفي نفعك، بيختفوا زي ما ما كانوا يوم هنا. الثقة غالية، لأنها بتتبني على وقت، ومواقف، وتكرار أفعال صادقة. ما بتجي من أول مقابلة ولا من كلمة حلوة. في ناس بتعرف تلبس أقنعة الإخلاص، لكن الأيام هي الفيصل، لأنها ما بتقدر تخبي النوايا لفترة طويلة. خلي قلبك مفتوح، لكن بعين واعية. اسمع، لكن ما تصدّق كل شي. اتعامل باحترام، لكن احتفظ بمسافة أمان. ما تسق في أي زول ما بتعرفو كويس، لأنك ما عارف شنو دوافعو، ولا نيتو، ولا شنو ممكن يعمل لو عرف أسرارك. الثقة العمياء ممكن تكسر روحك، وتخليك تندم على طيبتك. لكن الحذر ما بيعني سوء ظن، هو نوع من الوعي الذكي، بيحميك من الندم، وبيخليك تختار الناس بعقلك قبل قلبك. تعلم تراقب الأفعال قبل الكلام، لأن الناس ممكن تقول "أنا معاك" وهي أول من يختفي وقت الضيق. وممكن يقولوا "أنت غالي" وهم أول من يبيعك بثمن بسيط. ما في شي بيكشف الناس زي المواقف… هي المراية الحقيقية لكل قلب. وفي النهاية، خلي عندك ميزانك الخاص في معرفة البشر: ما تبني ثقتك على الكلام، ابنيها على الصدق، المواقف، والتكرار. خليك طيب، لكن واعي. خليك كريم، لكن حذر. وخلي دايمًا بينك وبين الناس مسافة تحفظ كرامتك وسلامك النفسي. - @abdo.1000o