🌍 Жаңа қала — жаңа кезең ✨ Стамбулда тұрғанымызға тура 7 жыл болыпты. Ал бір ай бұрын үлкен шешім қабылдап, отбасымызбен бірге Алматыға көшіп келдік. Алғашқы күндері шынымды айтсам, үйренісе алмай біраз қиналдым… Себебі біз Стамбулда теңіз жағасында, тыныш әрі элиталы ауданда, екі қабатты пентхауста өмір сүрдік. Қысы жоқ жылы климатқа, жоғары сервиске қатты үйреніп қалған екенбіз. Сол себепті Алматының алғашқы қара суығында қызым мектеп ұйымдастырған тимбилдингке қатысып, қатты тоңып келгенде, өзімді ұстай алмай үйге келіп жылап алдым 😢 Неге екенін өзім де түсінбедім… 💛 Бірақ дәл сол сәтте менің күйеуім маған үлкен сый жасады — ойламаған жерден Стамбулға бизнес-класс билет алып, 4 күнге демалуға жіберді. Сол сәттегі қуанышымды сөзбен жеткізу мүмкін емес! Балаша шаттанып, тура алғаш рет Стамбулға бара жатқандай сезімде болдым. Жолдасым: “Ештеңені ойлама — жұмысты да, баланы да. Тек демал, шопинг жаса, өз уақытыңды тамаша өткіз” — деп арқамнан қақты. ✈️ 6 сағаттан соң Стамбулға жетіп, үйге келсем — команда клининг шақырып, бәрін жуып-тазып, көрпе-жастықты жаңартып, үстелге гүл мен “Қош келдіңіз” деген хат қойып кетіпті 🥹🌸 Теңіздің ауасын сағынып қалыппын ба, небәрі 4 сағат ұйықтасам да мүлде шаршаған жоқпын. Таңертең оянып алып, Босфор жағасына барып, көпірге қарап отырып дәмді таңғы ас іштім. Сол сәтте ішімдегі кішкентай қыз — менің кішкентай Қайшам шексіз қуанды 💛 🌤️ Шын мәнінде бақыт деген — дәл осындай сәттер. Мені оқып отырған барша аруларға осындай сәттік бақыттар көп болсын деп тілеймін 💫 Ал Стамбулдағы күндерім жайлы — келесі рилста жалғастырамын 🇹🇷✨ - @kaisha_kerey