Waa hees kamida heesaha aan ugu jeclahay Fankii hore ee Tayada lahaa, HEESTA (AMAANO), Heesta Sheekadeeda ama qisadedu saan ku maqlay, waxa ay ka timi Abwaanka sameeyay heesta oo la odhan jiray Xuseen aw faarax dubbad laguna naanaysi jiray (Jumbukhtaani) oo uu kula baxay Mar uu dhigayay riwaayad uu isagu lahaa oo la odhan jiray "CANTAR IYO CEEBLA" ayuu ku matalayay Boqor la yiraahdo jumbukhtaani .kasoo gudub Heestan waxa uu u sameeyay gabadh uu dunida waxa gayaan jooga uu ujeclaa oo la odhan jiray Faadumo amaano Oo aanan hadda Geerideeda maqal balse la iisheegay waayadii udanbeeyay inay xanuusanayd, Mooyi halka ay Kunooshahaye! Heestan qofka jaceylka xadkiisa dhaafay uu ku taagsaday, dhabna uu ka yahay Qurux oo dhan oo meel la isugu keenay Ayuu Cabirayaa Xuseen, Tan labaad ee kasii daran wuxuu udhiibay Boqorkii Codka (Ahun Maxamed saleebaan tubeec) oo si heersare ah oo aan wax loo dhigaa jirin u qaadaya, Tan saddexaadna waa Muusiga kala gedisan ee Dhegihii maqlaa Aanay cabiri karayn oo ay Tumayaan Muusigaystayaashii soomaaliyeed ee La hollin waayay Malaha kuwa tumayaa maba noola waqtigan!. AHN Xuseen aw faarax waxa uu leeyahay qaar kamida heesaha aan ugu jeclahay Waxana ka mid ah Heestaa sida Dhirta Xididka hoosaa, Sidoo kele heesta kale ee tidhaahda, Webiyo isu ooman, iyo sidoo kale Geesiga dhulkiisaa, Caashaqii ku dhega Tira, Soomaali dhoylaay, Qoloba calankeedu waa cayn. iyo kuwo kale oo badan xuseen aw faarax dubbad wuxuu ahaa Abwaan mawjad ah, aadna u mawhibo badan oo curin sare leh heesaha abwaanku dhammaantood waa heeso aan qofkii Mar maqlaa aanu ka xiiso goyneyn. Erayada heesta Ab Husein Awfaarax Laxanka iyo Luuqdaba waxa ku Ladhay Albanian Mohamed Suleiman Tubeec. Taariikhda heesta la qabtay waa 1964. Rabbi ha janeeyo Abwaanka waa Xuseen Aw faaraxe iyo Alf Mohamed S. Tubeecba. Ma ogtahay ayaantii Ilmadu kaa da'eysee indhahaada qoysaa inanyahay xasuustoo uurka aan ka ooyoo waan ka ashahaatee waxaad igu abuurtaan la adkeysan waayo amanaada illaaheey noqo kuman ilaawine amiina allahayoow waa amaanadaadee Ma ogtahay sido roob onkod iyo hilaac badan oo arooryadii da'ay ama oogta waabari eedaankaa subaxdii waad ii iftiintaa waxaad igu abuurtaan la adkeysan waayeee amaanda illaaheey noqqo kumaan ilaawine amiin allaahayow wa amaanadaadee Ma ogatahay afkeygii inuu aamus diidoo ayaadaha quraan iyo aamaantaada mooyee arrin kale inuu furo ogolaani waayaa waxaad igu abuurtaa la adkeysan waayee amaanada illaaheey noqo kuman ilaawine amiin allahayoow wa amaanadaadee Ma ogtahay sidi aqal magaaloo aros iyo id loogu tala galay ama ubaxa deyreed waad ii udgoontoo iimaanka deeqdee waxaad igu abuurtaan la adkeysan waayee amaanda illaaheey noqo kuma ilaawine amiin allahayoow waa amaanadaadee Ma ogtahay ayaantii Ilmadu kaa da'eysee indhahaada qoysaa inanyahay xasuustoo uurka aan ka ooyoo waan ka ashahaatee waxaad igu abuurtaan la adkeysan waayo amanaada illaaheey noqo kuman ilaawine amiin allahayow waa amaanadaadee. - @abdi_abdilahi1