ئێستا ئێوارەیە و کەس لە ماڵەوە نییە ، تەنیام و دیسانەوە پەنام بۆ گۆشەی ئەم ژوورە بردووە و بیرکردنەوە لە تۆ هێشتا ئازارم دەدات..ئەمڕۆش نەهاتی..ئەمڕۆش وەک هەر ڕۆژێکی تر تێپەڕی و لەم چاوەڕوانییە کوشندەیە مابوومەوە...ژیان چەند سەختە ئازیزم..بۆچی بێهودە هەوڵ دەدەیت خۆتم لێ دووربخەیتەوە؟ بۆچی منت بەتەنها لە نێو ئەم کەسانەدا بەجێهێشتووە کە جگە لە ئازاردانم هیچ مەبەست و ئامانجێکی تریان نییە؟ لێرە نامێنمەوە..من ناتوانم هەموو ڕۆژێک شەڕ بکەم ، ناتوانم بە بێدەنگی لەبەردەم ئەو کەسانە دابنیشم کە جنێو بە من و تۆ دەدەن و منیش بە شێوەیەکی دۆستانە هەڵسوکەوتیان لەگەڵ بکەم..ئەگەر ئەم شتانە بە تۆ نەڵێم ئەی بە کێیان بڵێم؟ وە من لە باوەشی کێدا پەنا بۆ ئەمە ببەم؟ بەخوا پێم باشە لە ناوەڕاستی بیابان لە ژێر خۆری سووتێنەردا بژیم نەک لێرە بمێنمەوە..من حەزم لەم ژیانە پڕ لە ژاوەژاو و مشتومڕ و دووڕوویی و فێڵبازییە نییە..وەرە بمبە و لەم شێتانە ڕزگارم بکە..من تەنها تۆم لەم دونیایەدا هەیە و تۆ تاکە هاوڕێی منیت ، بەڵام لە کوێیت؟ بۆچی خۆت لە من بەدوور گرتووە...؟ - @shahrzaaaad