@bukhari_700: ‎یوٰں اندھیری رات میں اے چاند تُو چمکا نہ کر ‎حشر اک سیمیں بدن کی یاد میں برپا نہ کر ‎کیا لب دریا مری بے تابیاں کافی نہیں ‎تو جگر کو چاک کرکے اپنے یُوں تڑپا نہ کر ‎دُور رہنا اپنے عاشق سے نہیں دیتا ہے زیب ‎آسماں پر بیٹھ کر تُو یُوں مجھے دیکھا نہ کر ‎عکس تیرا چاند میں گر دیکھ لُوں کیا عیب ہے ‎اس طرح تُو چاند سے اے میری جاں پردہ نہ کر ‎بیٹھ کر جب عشق کی کشتی میں آؤں تیرے پاس ‎آگے آگے چاند کی مانند تُو بھاگا نہ کر ‎اے شعاع نُور یوں ظاہر نہ کر میرے عیوب ‎غیر ہیں چاروں طرف ان میں مجھے رسوا نہ کر ‎ہے محبت ایک پاکیزہ امانت اے عزیز ‎عشق کی عزت ہے واجب عشق سے کھیلا نہ کر ‎ہے عمل میں کامیابی موت میں ہے زندگی ‎جا لپٹ جا لہر سے دریا کی کچھ پروا نہ کر