انا كنت مش بحب اي حاجة فيها سبانخ طول عمري و لما كبرت بقيت احب اي حاجة فيها سبانخ سبحان ما غير الاحوال😅 و بالنسبه للفطاير انا بجد ممكن افطر و اتغدى و اتعشى بيها من كتر ما انا بحبها اوي اوي اوي♥️ و جدي حبيبي الله يرحمه كان بيعشق فطاير السبانخ و كل مره اعملها لازم افتكره♥️ فطاير سبانخ العجينة * ٤ كوب/ ٥٠٠جم دقيق * ٢ م ك حليب بودر * ١ م ص ملح * ١ م ك سكر * ١ ١/٢ م ص خميرة * ٢ م ك زبادي، درجة حرارة الغرفة * ١/٤ كوب زيت زيتون * ١ - ١ ١/٤ كوب مياه دافية - في بوله نضيف السكر و الخميرة و١/٢ كوب المياه و نخلط ونغطي و نخليها تتخمر ١٠ دقايق. في بوله تانيه نخلط الدقيق و حليب البودر و الملح. ننزل الزبادي على الخميره و نخلط بعدين ننزل الدقيق. نخلط كله لحد ما العجينة تبدأ تلم و نزود مياه بالتدريج لحد ما العجينة كلها تتماسك (ممكن مانستخدمش المياه كلها) بعدين نضيف الزيت و نعجن لمدة ١٠ دقايق و نكورها و ندهن الوعاء بزيت و نحط العجينة و نغطيها و نخليها تتخمر ساعة. حشو السبانخ * ٢ كيلو سبانخ، مغسول و متقطف و متقطع * ٢ عود بصل اخضر، مفروم * ١ بصل احمر صغير، مفروم * ٢ م ك سماق * ١ م ك دبس رمان * ٢ م ك عصير ليمون * ٣ م ك زيت زيتون * ملح و فلفل حسب الرغبه - نرش على السبانخ شوية ملح و نفركها شوية و نخليها ١٥ دقيقة تنزل مايتها بعدين نعصرها كويس جدااا بعدين نضيف باقي المكونات على السبانخ. - نسخن الفرن على اعلى حرارة و نحط صاجة خبز تسخن في الفرن على الرف الاخير لمدة ٣٠ دقيقة على الاقل. - نفرغ الهوا من العجينة و نقسمها ١٠-١٢ قطعة و نكورها و نريحها ١٠ دقايق بعدين نفردها و نحشيها سبانخ و نقفلها نفس الفيديو. ننقلها على صينية سهلة النقل و عليها ورقة زبدة لتسهيل نقل الفطاير على الصاجة السخنة. ندهنها بالبيض و نرش شوية سماق و ندخلها الفرن ٨-١٠ دقايق. نطلعها و ندهنها بزيت زيتون و الف هنا♥️ #فطاير #سبانخ #معجنات #fyp #fyppppppppppppppppppppppp - @youandayah