@marwan.tahakkam: لليوم الدراسات بتثبت انه الزيادة التدريجية هي أدق مقياس لتضمن انه عضلاتك بتتطوّر, لأنه منطقيا شو هو البديل؟ عدد سحري من التكرارات؟ عشوائية باختيار الوزن؟ طلب المساعدة لتكسر وزن جديد؟ دليلك الوحيد على التطور هو قدرتك على كسر أوزانك بنفس التّحكّم والمدى الحركي المطلوب لكل تمرين. مستحيل تتذكّر كل أوزانك وبكل التمارين, فالأسهل انّك تكتبهم بأي مكان على تلفونك, عشان بس تتمرن الأسبوع اللي بعده تكون متأكد من اختيار الوزن الصح, هيك راح تتحدّى نفسك كل يوم, راح تركّز أكثر بتمرينك, وراح تضمن انّك بتحاول وبتتطّور بدون تشتت وعشوائية. 3 أمور لازم تكون ثابته كل أسبوع بتطبيق الزيادة التدريجية: - مدة الراحة بين الجلسات ( اذا بترتاح دقيقتين فإثبت عليهم بالأسابيع الجاي ) - إرتفاع مقعد وقياسات الجهاز ( إحفظ قياسات الجهاز اللي ناسبت طولك وثبّتها للأسابيع الجاي ) - المدى الحركي لكل تمرين ( لازم يكون المدى الحركي ثابت بكل تمرين, إذا زدت وزن على حساب المدى الحركي فما تتوقّع انّك تطورت بالتمرين ) الأساس هو المحافظى على نفس المدى الحركي وبكل التمارين. أغلب المتدربين معي تطوّرهم مستمر بشكل أسبوعي, بسبب تطبيق الزيادة التدريجية, فلا تهمل نفسك وإبدأ من اليوم أكتب كل تفصيل بتمرينك, صدقني ما راح تندم.

Marwan Tarawneh

Open In TikTok:

Region: JO

Thursday 30 October 2025 18:50:12 GMT