@legendcinema: ព្រះរាជពិធីបុណ្យអុំទូក គឺជាពិធីបុណ្យដ៏មានអត្ថន័យជ្រាលជ្រៅ និងត្រចះត្រចង់បំផុតសម្រាប់ប្រជាជនកម្ពុជា។ ពិធីបុណ្យនេះមានប្រវត្តិតាំងពីសម័យអង្គរ សតវត្សរ៍ទី១២ ដើម្បីរំលឹកដល់ជ័យជម្នះ និង វីរៈភាពរបស់កងទ័ពជើងទឹកសម័យអាណាចក្រខ្មែរនៅក្រោមការដឹកនាំរបស់ព្រះបាទជ័យវរ្ម័នទី៧ ក្នុងការការពារបូរណភាពទឹកដី សព្វថ្ងៃនេះ ព្រះរាជពិធីបុណ្យអុំទូក មិនត្រឹមតែជាការចងចាំប្រវត្តិសាស្ត្រសម្រាប់ប្រជាពលរដ្ឋខ្មែរប៉ុណ្ណោះទេ ប៉ុន្តែព្រះរាជពិធីបុណ្យអុំទូកបានក្លាយជាពិធីបុណ្យដែលបានឆ្លុះបញ្ចាំងពីប្រពៃណី វប្បធម៌ ក៏ដូចជាសាមគ្គីភាពរបស់ប្រជាពលរដ្ឋខ្មែរទាំងមូល។ តំណាលបែបនិទាននៃអតីតកាលដែលយើងតែងតែទស្សនាតាមទម្រង់បែបល្ខានស្រមោល ឬល្ខានស្បែកធំ ត្រូវបានបន្តបង្ហាញឡើងវិញក្នុងទម្រង់បច្ចេកវិជ្ជាសម័យបច្ចុប្បន្នតាមរយៈ រោងភាពយន្ត លេជេន ដែលបាននាំយកមកនូវភាពសោមនស្សនៃមោទនភាពជាតិ និងស្នាដៃបុរាណមកបង្ហាញឡើងវិញសម្រាប់យុវជន និងយុវនារី ជំនាន់ក្រោយ។ យើងខ្ញុំសូមអរគុណចំពោះអតិថិជនទាំងអស់ ដែលតែងតែគាំទ្រ រោងភាពយន្ត លេជេន កន្លងមក!#letsgotolegend