@89ayed1971: قبل لنبدا ومن بعد السلام ودي ادعي واحدن ماهو بخيل :: يالله انك ترحم الرمز الامام جعل شربه فالجنان السلسبيل :: زايد اللي زاد الارض امن وسلام من نهار اقبل وحتى فالرحيل :: بالقبايل وحد الدوله وقام واحتماها لاتطيح ولا تميل :: عزها بأيدي عزيزين المقام يزرع الوحده ويجنون الحصيل :: شعب دارن للوطن درع وحزام مكرمين الضيف مزبان الدخيل :: وقادها للنور من عقب الظلام ودلها في وقت ضاع بها الدليل :: يجمع الشعب وعن التفريق شان والهدف في كل ماسوا يبيل :: قبل زايد كانت رمال وخيام قبل زايد والزمن صلف وبخيل :: وقبل زايد كانت الامه حيام وقبل زايد والحظوظ القشر حيل :: وبعد زايد ميل الايام استقام وعاش كل الشعب في ظلن ظليل :: ليت زايد ينولد في كل عام ولا ليته ينولد في كل جيل :: يستحق المدح لو قد هو عظام له جميلٍ فالاوادم والنخيل :: لين سلمها خليفه واستدام مجد ماله لا شبيه ولا مثيل :: وسار بوسلطان سيره للامام وغير بوسلطان ماتبغي بديل :: هو ذراها فالرخا ولا الزحام صيرمين هدته تشفي الغليل #محمد_بن_فطيس #الشيخ_زايد #زايد #الامارات_العربية_المتحده🇦🇪