جدي الله يرحمك فقدانك كان أصعب لحظه مرت علي بحياتي من يوم سمعت خبر وفاتك والدنيا صارت غريبه كأنها فقدت معناها كل شي بعدها صار ناقص حتى الضحكه اللي كنت احبها طلعت من قلبي ناقصه بكينا من وجع الفقد بكينا لأنك كنت الشي الحلو بحياتنا كنت وجودك يطمننا ويخلينا نحس بالأمان كنت تحبنا وتخاف علينا بطريقتك اللي ما تتكرر كنت دايم تجمعنا وتضحك معنا وتخلي الجو كله حب ودفا الله يرحمك يا جدي كنت مثال الطيبه والصبر والكرم جدي انا للحين مو مستوعبه انك خلاص مو هنا مو مستوعبه اني ماعاد بشوفك جالس بمكانك اللي تحبه ولا اسمع صوتك يناديني ولا اشم ريحة عطورك اللي كانت دايم تسبقك لما تدخل الغرفه كل لحظه تمر احس فيها فراغ كبير احس قلبي مكسور نصه راح معك احاول اكون قويه بس ما اقدر كل مره اتذكرك تنهار دموعي بدون ما احس حسيت من كثر ما بكيت طلعت روحي بعد البكيه ماصار لي قلب إذا أنا كذا عيل جدتي كيف خالاتي بنااات خالتي اولاد خالتي كلنا كنا خايفين عليك وانا ورهف وفطوم كنا ندعي لك دايم ونحط بحساباتنا يدعون لك الناس ما كنا ننام إلا وندعي لك لأنك كنت غالي علينا كثير كنا نتمسك بأي أمل أنك بتقوم وبتصير بخير لكن قدر الله وماشاء فعل جدي والله اشتقت لك اشتقت لضحكتك ولمساتك وعيونك اللي فيها حنان الدنيا اشتقت لدعواتك اللي كنت تقولها لنا قبل لا نطلع وكنت تقول الله يوفقكم ويحفظكم اشتقت لقصصك القديمه اللي كنا نسمعها ونضحك وانت تضحك معنا اشتقت لكل شي منك الله يرحمك يا جدي ويغفر لك ويجعل مثواك الجنه ويبدلك دار خير من دارك واهل خير من اهلك الله يجعل قبرك نور وطمأنينه ويجعل البرد عليك رحمه مو ألم جدي وجودك ما راح يتكرر في احد ثاني انت مو مجرد شخص راح انت جزء من الذاكره من الطفوله من الضحك من الحنان اللي ما يتعوض الله يجمعني فيك في الجنه يا جدي في مكان ما فيه وجع ولا وداع ولا حزن مكان كله راحه وسعاده وفرح الله يرحمك برحمته الواسعه ويغفر لك ويجعلنا كلنا نلتقي بك عند باب الجنه بخير وفرح آمين يارب - @xill__002