@nutritiondiva: "السر مش في الدايت." جملة خدت مني سنين (كطبيبة) عشان أستوعبها 100%. مفيش short cut ولا قرص سحري. في 7 تغييرات بسيطة كانت game changer حقيقي في صحتي وعلاقتي بالأكل... على قد ما مهم إنك تظبط أكلك، لكن في حاجات تانية بنفس الأهمية 1️⃣ نام بدري: النوم الجيد بالليل أكتر حاجة underrated ف رحلة خسارة الوزن وفي صحتك عموماً. مفيش حاجة بتعوض قلة النوم. لما بنام بدري الجسم بيعمل reset لهورمونات الجوع والشبع وبيقلل جداااا cravings الحلويات. 2️⃣ الحركة بركة: الجيم والرياضة مهمين جدااااا لكن مجموع خطواتك ف اليوم أهم. ديماً بقول: Don't stress eat stress walk 3️⃣ Food Diary (سجل أكلك): اكتب اللي بتاكله أو تشربه طول اليوم. بدل ما تفضل تقول "أنا مش باكل خالص مش عارف مش بخس ليه"، اكتب عشان تفهم. باختصار: You can't change what you don't track 4️⃣ Real Food (أكل حقيقي): كل ما تروح ناحية الأكل اللي ربنا خلقه من غير تدخلات بشر كتير كل ما كان أحسن لصحتك. لما تشتري أي منتج، حاول إن لستة المكونات متكونش 10 سطور إنت مش عارف تقراهم أصلاً 😁 5️⃣ البروتين صاحبك الأنتيم: مش بس عشان متخسرش عضلات، لكن هو الأساس ف تنظيم هرمونات الجسم وإحساسك بالشبع. 6️⃣ خطط لوجباتك (Plan your meals): لازم تبذل شوية مجهود إنك تكون عارف بكرة حتاكل إيه. متسيبش الدنيا بظروفها كدة. متستناش لما تجوع وتتزنق ف تبتدي تدور على أكل، لأن غالباً اختيارك حيكون مش أحسن حاجة. 7️⃣ الاستمرارية مش المثالية: خليك واقعي. بطل تجري ورا perfection وبطل تجري ورا الميزان. لخبطت؟ عادي كمل. الميزان مبيتحركش؟ كمل. من غير ما تفكر تعاقب نفسك ولا تعمل كراش دايت. It's not a sprint it's a marathon 💬 أنهي نقطة من الـ 7 هي الـ Game Changer بتاعك؟ قوللي في الكومنتس 💾 احفظ البوست... حتحتاجه. 🗣️ وشاركه مع أي حد لسه بيجري ورا "الدايت السحري" #nutritiontips #HealthyHabits #registereddietitian #dietgossips #يوميات_طبيبة_تغذية
