@karakiya_ms: Ақтаудағы «Келешек мектебінде» оқушылар жаңа форматтағы еңбек кабинеттерімен танысты. Ақтауда «Келешек мектептері» ұлттық жобасының аясында №31 Келешек мектебінің 9-10 сынып оқушылары жаңа форматтағы еңбекке баулу кабинеттерінің мүмкіндіктерімен танысты, деп хабарлайды Қоғамдық коммуникация орталығы. Іс-шараның негізгі мақсаты – білім беру жүйесінде практикалық дағдыларды дамыту арқылы жұмысшы мамандықтарының беделін арттыру. Жыл басында пайдалануға берілген 900 орындық №31 Келешек мектебі оқушыларға сапалы білім алуға арналған барлық инфрақұрылымдық жағдаймен қамтылған. - №31 Келешек мектебінде пән кабинеттері соңғы үлгідегі технологиялармен жабдықталып, бірнеше спортзал іске қосылған. Ал еңбекке баулу сабақтары дизайн және технология, тамақтану мәдениеті, біріктірілген шығармашылық кабинет және арнайы шеберханаларда өткізіледі. Еңбек кабинеттері қажетті құрал-жабдықтармен толық қамтамасыз етілген. Оқушылар қазіргі еңбек нарығында сұранысқа ие кәсіптердің бастапқы машықтарын меңгеріп келеді. Мәселен, ер балалар зергерлік, ағаш өңдеу және сәулет өнері бағыттары бойынша тәжірибе жасаса, қыз балалар тігін ісі, қолөнер және аспаздық бойынша дағдыларын дамытады, - деді көркем еңбек пәнінің мұғалімі Гүлнұр Абдихаликова. Сондай ақ, оқушылар тамақтану мәдениеті кабинетінде тағам әзірлеу технологиясымен қатар, санитарлық талаптарды сақтау және дастархан мәдениетін қалыптастыруға бағытталған білім алады. Біріктірілген шығармашылық кабинетте балалар құмыра жасау, шыны және мата бетімен жұмыс істеуді үйрене алады.

There are no more comments for this video.

To see more videos from user @karakiya_ms, please go to the Tikwm homepage.